आइएमई लाइफको बम्पर लाभांश घोषणा, शेयरधनीले २५ प्रतिशत बोनससहित ३४.५० प्रतिशत पाउने

काठमाडौं । आइएमई लाइफ इन्स्योरेन्स कम्पनीले पहिलो पटकमै बम्बर लाभांश घोषणा गरेको छ । कम्पनीले प्रिमियममा जारी गरेको आइपिओ मार्फत आर्जन गरेको प्रिमियम रकम सहित सञ्चित मुनाफाबाट शेयरधनीहरुलाई यस वर्ष हाल कायम चुक्ता पूँजीको ३४.५० प्रतिशतका दरले लाभांश वितरण गर्ने घोषणा गरेको हो।

कम्पनीको बैशाख १९ गते बसेको सञ्चालक समितिको बैठकले २५ प्रतिशत बोनस शेयर र ९.५० प्रतिशत नगद लाभांश दिने प्रस्ताव गरेको हो । प्रस्तावित लाभांश नेपाल बीमा प्राधिकरणले स्वीकृत गरेपछि आगामी वार्षिक साधारणसभामा पेश गर्नेछ । साधारणसभाले लाभांश पारित गरेपछि मात्रै शेयरधनीहरुले पाउने छन् । हाल कम्पनीको चुक्ता पूँजी ४ अर्ब रुपैयाँ रहेको छ । 

प्रस्तावित २५ प्रतिशत बोनस शेयर वितरण पछि नेपाल बीमा प्राधिकरणले निर्धारण गरेको न्युनतम चुक्ता पूँजी ५ अर्ब जुटाउने छ । यस वर्ष कम्पनीले सुरुवातिदिनदेखि लगानी गरेका शेयरधनीलाई केहि हदसम्म नगद लाभांश पनि दिने निर्णय गरेको छ । यो लाभांश प्रिमियममा शेयर खरिद गरेका तथा संस्थापक लगानी कर्ता दुबैले पाउने छन् । 

हाल दोस्रो बजारमा कम्पनीको शेयर मूल्य ५७३ रुपैयाँ रहेको छ । बम्बर लाभांश घोषणा सँगै कम्पनीको शेयर मूल्यमा सुधार हुने अपेक्षा गरिएको छ । कम्पनीले प्रिमियममा शेयर जारी गरेर हकप्रद विनानै शेयर पूँजी जुटाउन सफल भएको छ । यस सँगै कम्पनीको पूँजीकोष थप बलियो भएको छ । यसले बीमितहरुको पनि बोनसदरमा सघाउ पुर्याउने छ । कम्पनीको पूँजीकोष जति ठुलो भयो कम्पनीले आफ्नो जोखिम बहन क्षमता पनि त्यति नै मात्रामा बढाउन सक्ने भएकाले कम्पनी थप बलियो भएको छ ।  

प्रतिक्रिया दिनुहोस्

सम्बन्धित समाचार

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

नेशनल लाइफको २० प्रतिशत लाभांश घोषणा

लेखापरीक्षण प्रतिवेदन नबुझाउने विभिन्न बीमा कम्पनीहरूलाई जरीवाना