सुनमा आज पनि उच्च मूल्यको रेकर्ड, तोलाकै डेढ लाख नजिक पुग्यो

BFIS News
2024 Jul 17 11:07

सुनमा आज पनि उच्च मूल्यको रेकर्ड, तोलाकै डेढ लाख नजिक पुग्यो

काठमाडौं । नेपाली बजारमा सुनको भाउले नयाँ रेकर्ड बनाउने क्रम जारी छ। आज (बुधबार) पनि सुनको भाउले उच्च मूल्यको रेकर्ड बनाएको छ।

नेपाल सुनचाँदी व्यवसायी महासंघले आज सुनको भाउ प्रतितोला १ लाख ४९ हजार ८ रुपैयाँ पुगेको जनाएको छ। यो अघिल्लो दिनको तुलनामा २ हजार रुपैयाँ बढी हो। अघिल्लो दिन प्रतितोला १ लाख ४७ हजार ८ सय रुपैयाँमा कारोबार भएको थियो।

आज तेजाबी सुन प्रतितोला १ लाख ४९ हजार १ सय रुपैयाँमा कारोबार भइरहेको छ । मंगलबार तेजाबी सुन प्रतितोला १ लाख ४७ हजार १ सय रुपैयाँमा कारोबार भएको थियो ।

यस्तै, बुधबार चाँदीको मूल्य प्रतितोला २० रुपैयाँले बढेको छ। बुधबार चाँदी प्रतितोला १ हजार ८९५ रुपैयाँमा कारोबार भइरहेको छ।

अन्तर्राष्ट्रिय बजारमा पनि सुनको भाउले नयाँ रेकर्ड बनाउँदै गर्दा नेपालमा पनि यसको असर देखिएको हो। अन्तर्राष्ट्रिय बजारअनुसार नेपालमा मूल्य समायोजन हुनेगर्छ।