बाढी पहिरोका कारण उत्पन्न विषम परिस्थितिका कारण एशियाली मुलुकका बीमा नियामकहरुको सम्मेलन स्थगित

काठमाडौं । नेपाल बीमा प्राधिकरणको आयोजनामा हुन गइरहेको एशियाली मुलुकका बीमा नियामकहरुको सम्मेलन स्थगित भएको छ । बीमा प्राधिकरणको आयोजनामा यहि असोज २१ गतेदेखि २३ गतेसम्म काठमाडौंमा आयोजना गर्न तय भएको Asian Forum of Insurance Regulators (AFIR) को वार्षिक बैठक तथा वार्षिक सम्मेलन हाललाई स्थगित गरिएको छ ।

हालैको अविरल वर्षाका कारण नेपालका विभिन्न स्थानमा बाढी तथा पहिरोबाट असहज अवस्था सिर्जना भएकाले निर्धारित मितिमा बैठक तथा सम्मेलन गर्न असहज हुने भनी Asian Forum of Insurance Regulators को सचिवालयबाट हाललाई कार्यक्रमहरू स्थगित गर्न अनुरोध भएको भन्दै प्राधिकरणले स्थगित गरेको हो । अहिलेको विषम परिस्थितिमा विदेशी पाहुनाहरूको सुविधा समेतलाई ध्यानमा राखी उक्त सचिवालयसँगको समन्वयमा अर्को मिति तोक्ने गरी हाललाई कार्यक्रमहरू स्थगित गरिएको प्राधिकरणले स्पष्ट पारेको छ । 

यही असोज २३ का लागि तय भएको AFIR को वार्षिक साधारण सभाको भर्चुअल माध्यमबाट हुने सत्र भने सोही मितिमा नै संचालन हुनेछ ।

AFIR को सचिवालयसँग समन्वय गरी स्थगित बैठक सभा तथा सम्मेलन आयोजनाका लागि नयाँ मिति तय भएपछि जानकारी गराइने प्राधिकरणले जानकारी गराएको छ । 

प्रतिक्रिया दिनुहोस्

सम्बन्धित समाचार

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

नेशनल लाइफको २० प्रतिशत लाभांश घोषणा

लेखापरीक्षण प्रतिवेदन नबुझाउने विभिन्न बीमा कम्पनीहरूलाई जरीवाना