दशै विदामा चेक क्लियरिङ र राजस्व संकलनका लागि शाखा कार्यालय खोल्नु नपर्ने

काठमाडौं । नेपाल राष्ट्र बैंकले यस पालीको दशैमा विदामा चेक क्लियरिङ र राजश्व संकलन गर्ने प्रयोजनका लागि शाखा सञ्चालन गर्नै पर्ने अनिवार्य नहुने व्यवस्था गरेको छ ।

राष्ट्र बैंकले २०७५ असार २६ गते जारी गरेको सूचना अनुरुप इजाजतपत्र प्राप्त सम्पुर्ण बैंक तथा वित्तीय संस्थाहरुले वर्षभरी नै असोज, पुष, चैत र असार महिनाको अन्तिम हप्ता २५ गते र सो पछि मसान्तसम्म शनिवार लगायत जुनसुकै सार्वजनिक विदा परेतापनि राजस्व बुझ्ने प्रयोजनका लागि शाखा कार्यालय खोल्नु पर्ने व्यवस्था गरेको थियो ।

उक्त व्यवस्था अनुसार यस पालिको असोज अन्तिम सातामा दशै विदा परेता पनि महिनाको अन्तिम दुई दिन सार्वजनिक विदा नभएको हुँदा सो व्यवस्था अनुसार शाखा कार्यालय खोल्नै पर्ने बाध्यता नभएको उल्लेख गरेको छ ।

अन्यथा यस अवधिमा राजस्व कारोबार गर्ने सम्पुर्ण बैंकहरु, चेक क्लियरिङ गर्ने प्रयोजनका लागि अन्य बैंक तथा वित्तीय संस्थाहरु एवम् नेपाल क्लियरिङ हाउस खुला राख्नु पर्ने बाध्यता रहन्थ्यो । त्यसमा पनि यो आर्थिक वर्षको पहिलो त्रैमाश भएको हुँदा दोस्रो तेस्रो र चौथो त्रैमाशमा जस्तो दवाव हुँदैन ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?