यूएईलाई हराउँदै यू–१९ महिला टी–२० विश्वकपमा छनोट भयो नेपाल

काठमाडौं । नेपाली यू–१९ महिला क्रिकेट टोली टी–२० विश्वकपको लागि छनोट भएको छ। बुधबार युनाइटेड अरब इमिरेट्स (यूएई) मा सम्पन्न एशिया छनोटको अन्तिम खेलमा यूएईलाई ८ विकेटले पराजित गर्दै नेपालले विश्वकपमा स्थान बनाएको हो ।

नेपालले ६ खेलबाट १० अंक जोड्यो। यूएईले पनि समान खेलबाट समान अंक जोडे पनि नेपाल नेट रनरेटमा अगाडि रहँदै विश्वकपमा स्थान बनाउन सफल भएको हो। यूएईले दिएको ८४ रनको लक्ष्य नेपालले १४.४ बलमा २ विकेट गुमाएर भेटायो। नेपालकी सना प्रवीनले ३१, कप्तान पूजा महतोले २१, सोनी पाख्रिनले १७ तथा सावित्री धामीले १२ रन बनाइन्। यूएईकी मेहक ठाकुरले २ विकेट लिइन्।

यसअघि यूएईको अजमानस्थित द सेभेन रंगशालामा टस जितेर पहिला ब्याटिङ थालेको यूएईले २० ओभरमा ९ विकेटको क्षतिमा ८३ रन मात्र जोड्न सक्यो। बुधबारको खेलमा यूएईका लागि समइरा धर्नीधर्काले सबैभन्दा बढी ३१ रन जोडिन्। उनले ४८ बलमा १ चौका प्रहार गरेकी थिइन्। बलिङमा नेपालकी कृष्मा गुरुङले चार विकेट लिइन्। कृष्माले चार ओभर बलिङ गर्दा १७ रन दिइन्। यस्तै, रिया शर्मा र सीमा केसीले दुई/दुई विकेट लिए। १९ वर्षमुनिको महिला टी–२० विश्वकप क्रिकेट प्रतियोगिता आउँदो जनवरीमा मलेसियामा आयोजना हुँदैछ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन