सुनको भाउ स्थिर, चाँदीको बढ्यो

काठमाडौं। मंगलबार सुनको मूल्य स्थिर हुँदा चाँदीमा भने ५ रुपैयाँले बढोत्तरी छ। सुनको मूल्य प्रतितोला १ लाख १२ हजार रुपैयाँ कायम भएको नेपाल सुन चाँदी व्यवसायी महासंघले जनाएको छ।

गत शुक्रबार १ लाख १२ हजार ३०० रुपैयाँमा कारोबार भएको सुनको मूल्य घटेर आइतबार १ लाख ११ हजार ९०० रुपैयाँमा झरेको थियो। सोमबार सुनको मूल्य १ लाख १२ हजार रुपैयाँ कायम भएको थियो।

चाँदीको मूल्यमा फराकिलो अन्तरको घटबढ छैन। सोमबार १४०० रुपैयाँमा कारोबार भएको चाँदीको मूल्य सामान्य बढोत्तरी पछि मंगलबार १४०५ रुपैयाँ पुगेको छ।

त्यस्तै, अन्तर्राष्ट्रिय बजारमा मंगलबार सुन प्रतिऔंस १९२१.७५ डलरले कारोबार भइरहेको छ। यो अघिल्लो दिनका तुलनामा घटेर कारोबार भएको अवस्था हो। सोमबार सुन प्रतिऔंस १९२७.६१ डलरले कारोबार भएको थियो। त्यस्तै, चाँदी प्रतिऔंस २३.१२ डलरले कारोबार भइरहेको छ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन