सामलिङ पावरको माइबेनी जलविद्युत आयोजना बाढी पहिरोबाट गम्भीर क्षतिग्रस्त

काठमाडौं। सामलिङ पावर कम्पनी लिमिटेडले जानकारी गराए अनुसार, नेपाल सरकार तथा सम्बन्धित निकायहरूले दिएको पूर्वसूचनाका आधारमा १८ असोज २०८२ देखि इलाम जिल्ला लगायत विभिन्न क्षेत्रमा निरन्तर वर्षा भइरहेको छ। यस अविरल वर्षाका कारण देशका विभिन्न भागहरूमा मानव र भौतिक क्षति भएको तथ्य सर्वविदित भइसकेको छ।

यही क्रममा, १९ असोजको बिहान करिब २ देखि ३ बजेको बीचमा, अचानक आएको भीषण पहिरो र बाढीका कारण सामलिङ पावर कम्पनी लिमिटेडले निर्माण तथा सञ्चालनमा ल्याएको ९.५१ मेगावाट क्षमताको माइबेनी जलविद्युत आयोजनामा गम्भीर क्षति पुगेको कम्पनीले जनाएको छ।

हालसम्म नदीमा आएको बाढी पूर्ण रूपमा नघटेकोले क्षतिको विस्तृत विवरण संकलन भइरहेको जानकारी दिइएको छ। यद्यपि, प्रारम्भिक रूपमा आयोजनाको भौतिक संरचनामा ठूलो क्षति पुगेको पुष्टि भइसकेको छ। यस घटनाका कारण हाल आयोजना मार्फत विद्युत् उत्पादन पूर्ण रूपमा रोकिएको छ। कम्पनीले आगामी दिनमा थप जानकारी सार्वजनिक गर्ने जनाएको छ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन