![$adHeader[0]['title']](https://www.bfisnews.com/public/images/bigyapan/1774272772_1769061114-ss-nimb.gif)
आम्दानी घटेपछि नेपाल टेलिकमको नाफा पनि कम
- BFIS News
- 2025 Nov 17 13:00
काठमाडौं। नेपाल टेलिकम लिमिटेड (एनटीसी) ले चालु आर्थिक वर्ष २०८१/८२ को पहिलो त्रैमाससम्मको अपरिष्कृत वित्तीय विवरण सार्वजनिक गरेको छ।
सार्वजनिक विवरणअनुसार कम्पनीको खुद नाफा गत आर्थिक वर्षको सोही अवधिको तुलनामा उल्लेख्य रूपमा घटेको छ।
कम्पनीले चालु आर्थिक वर्षको पहिलो त्रैमासमा १ अर्ब ३२ करोड रुपैयाँ खुद नाफा आर्जन गरेको छ, जो गत आर्थिक वर्षको पहिलो त्रैमासमा रहेको १ अर्ब ७३ करोड ९५ लाख रुपैयाँको तुलनामा २३.८२ प्रतिशतले कम हो।
टोमेको नाफामा गिरावट मुख्यतः आम्दानीमा आएको कमीका कारण भएको हो। समीक्षा अवधिमा कम्पनीको आम्दानी ०.०१ प्रतिशतले घटेको छ भने वित्तीय आम्दानी ४८.९९ प्रतिशतले घट्दै समग्र कुल आम्दानी ५.८९ प्रतिशतले कमिएको विवरणमा उल्लेख छ।
नाफासँगै प्रतिशेयर आम्दानी (ईपीएस) पनि घटेको छ। समीक्षा अवधिमा ईपीएस ९ रुपैयाँ २१ पैसा घटेर २९ रुपैयाँ ४५ पैसा पुगेको छ। असोज मसान्तसम्म कम्पनीको प्रतिशेयर नेटवर्थ ५०५ रुपैयाँ ७५ पैसा र मूल्य–आम्दानी अनुपात २८.७२ गुणा रहेको छ।
१८ अर्ब रुपैयाँ चुक्ता पूँजी रहेको कम्पनीको जगेडा कोषमा ७३ अर्ब ३ करोड ५७ लाख रुपैयाँ सञ्चित छ।
शेयर गर्नुहोस
प्रतिक्रिया दिनुहोस्
सम्बन्धित समाचार
.jpg)
.jpg)
प्रतिक्रिया