सिटिजन लाइफको नवौं वार्षिक साधारण सभा सम्पन्न, शेयर धनीले पाए एक अर्ब नगद लाभांश

काठमाडौं। सिटिजन लाइफ इन्स्योरेन्स कम्पनी लिमिटेडको नवौं वार्षिक साधारण सभा सम्पन्न भएको छ। भाटभटेनीस्थित आग्रपाली वाङ्केटमा सम्पन्न साधारणसभाले सेयरधनीलाई २० प्रतिशत नगद लाभांश वितरण गर्ने प्रस्ताव पारित गरेको छ।

साधारणसभामा अध्यक्षको मन्तव्यसहित सञ्चालक समितिले आर्थिक वर्ष २०८१/०८२ को वार्षिक प्रतिवेदन प्रस्तुत गरेको थियो। सभाले उक्त प्रतिवेदनमाथि छलफल गरी पारित गरेको छ। साथै, लेखापरीक्षकको प्रतिवेदनसहित आर्थिक वर्ष २०८१/०८२ को वासलात, नाफा–नोक्सान हिसाब, इक्विटीमा भएको परिवर्तन, नगद प्रवाह विवरण तथा सोसँग सम्बन्धित अनुसूचीसहितका वित्तीय विवरणहरू पनि पारित गरिएको छ।

कम्पनी ऐन, २०६३ को दफा १११ बमोजिम आर्थिक वर्ष २०८२/०८३ का लागि बाह्य लेखापरीक्षक नियुक्ति तथा निजको पारिश्रमिक निर्धारणसम्बन्धी प्रस्ताव पनि सभाबाट अनुमोदन गरिएको छ। लेखापरीक्षण समितिको सिफारिसअनुसार वर्तमान लेखापरीक्षक एस.ए.आर. एशोशियट्स, चार्टर्ड एकाउन्टेन्ट्स पुनः नियुक्तिका लागि योग्य रहेको कम्पनीले जनाएको छ।

सञ्चालक समितिको प्रस्तावअनुसार कम्पनीको हाल कायम चुक्ता पूँजी ५ अर्ब रुपैयाँको २० प्रतिशतले हुने १ अर्ब रुपैयाँ (लाभांशमा लाग्ने करसमेत) नगद लाभांश वितरण गर्ने प्रस्ताव सभाले पारित गरेको हो।

यसैगरी, कम्पनीबाट प्रदान गरिएको चन्दा तथा संस्थागत सामाजिक उत्तरदायित्व (CSR) अन्तर्गत गरिएका खर्चहरू अनुमोदन गर्ने विशेष प्रस्ताव पनि साधारणसभाबाट पारित गरिएको छ।

प्रतिक्रिया दिनुहोस्

सम्बन्धित समाचार

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

नेशनल लाइफको २० प्रतिशत लाभांश घोषणा

लेखापरीक्षण प्रतिवेदन नबुझाउने विभिन्न बीमा कम्पनीहरूलाई जरीवाना