सलिकोद्वारा कृषि, पशुपंक्षी तथा विपद् बीमा जोखिम न्यूनिकरण सम्बन्धी सचेतना कार्यक्रम सम्पन्न

काठमाडौं। सगरमाथा लुम्बिनी इन्स्योरेन्स कम्पनी लिमिटेडको आयोजनामा माघ १२ गते उदयपुर जिल्लाको रौतामाई नगरपालिका वडा नं. ७ स्थित सभा हलमा कृषि, पशुपंक्षी तथा विपद् बीमा जोखिम न्यूनिकरण सम्बन्धी छलफल तथा सचेतना कार्यक्रम सम्पन्न भएको छ ।

उक्त कार्यक्रम सगरमाथा लुम्बिनी इन्स्योरेन्स कम्पनीका कोशी प्रदेश प्रमुख नारायण गौतमको अध्यक्षतामा तथा रौतामाई नगरपालिका वडा नं. ७ का वडा अध्यक्ष मनोज कुमार राणा मगरको प्रमुख आतिथ्यतामा सम्पन्न भएको हो । कार्यक्रमको सञ्चालन सगरमाथा लुम्बिनी इन्स्योरेन्स कम्पनी, गाईघाट शाखाका प्रमुख धन बहादुर कटूवालले गरेका थिए ।

कार्यक्रममा कार्यालयका कृषि तथा पशु प्राविधिक, अन्य कर्मचारीहरू, स्थानीय प्रतिनिधि तथा अगुवा कृषकहरू गरी जम्मा ४० जनाको सहभागिता रहेको थियो । सो अवसरमा सगरमाथा लुम्बिनी इन्स्योरेन्स कम्पनीका कृषि तथा पशुपंक्षी विभाग प्रमुख उमेश ढकालले कृषि तथा पशुपंक्षी बीमा प्रक्रिया, दाबी गर्दा आवश्यक पर्ने कागजात तथा अपनाउनुपर्ने महत्वपूर्ण प्रक्रियाबारे जानकारी गराएका थिए ।

कार्यक्रमले स्थानीय कृषकहरूलाई बीमाको महत्वबारे सचेत गराउँदै सम्भावित जोखिम न्यूनिकरणमा सहयोग पुग्ने विश्वास लिइएको छ । 

प्रतिक्रिया दिनुहोस्

सम्बन्धित समाचार

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

नेशनल लाइफको २० प्रतिशत लाभांश घोषणा

लेखापरीक्षण प्रतिवेदन नबुझाउने विभिन्न बीमा कम्पनीहरूलाई जरीवाना