![$adHeader[0]['title']](https://www.bfisnews.com/images/bigyapan/1774272772_1769061114-ss-nimb.gif)
बेनी हाइड्रोपावरलाई आईपीओ निष्काशनका लागि बोर्डको स्वीकृति
- BFIS News
- 2026 Feb 12 17:42
काठमाडौं, माघ २९ — बेनी हाइड्रोपावर प्रोजेक्ट लिमिटेडले प्रारम्भिक सार्वजनिक निष्काशन (आईपीओ) जारी गर्न धितोपत्र बोर्डबाट स्वीकृति प्राप्त गरेको छ। बोर्डले मिति २०८२/१०/२९ मा कम्पनीलाई विवरणपत्र प्रकाशन गर्न अनुमति प्रदान गरेको हो।
स्वीकृतिअनुसार कम्पनीले कुल २० लाख ८० हजार कित्ता साधारण सेयर सर्वसाधारणमा निष्काशन गर्नेछ। प्रति कित्ता एक सय रुपैयाँ अंकित दरले सेयर जारी गरिने जनाइएको छ।
कम्पनीको आईपीओ निष्काशन तथा बिक्री प्रबन्धकको रूपमा एनएमबी क्यापिटल लिमिटेड नियुक्त भएको छ। प्रबन्धकले सेयर बिक्री प्रक्रिया सम्बन्धी सम्पूर्ण व्यवस्थापन गर्नेछ।
कम्पनीले आईपीओ निष्काशन दुई चरणमा गर्ने योजना बनाएको छ। पहिलो चरणमा आयोजना प्रभावित क्षेत्रका बासिन्दा तथा वैदेशिक रोजगारीमा रहेका नेपालीहरूका लागि सेयर जारी गरिनेछ। त्यसपछि दोस्रो चरणमा सर्वसाधारण लगानीकर्ताका लागि सेयर खुला गरिने कम्पनीले जनाएको छ।
बेनी हाइड्रोपावरको आईपीओ निष्काशनले ऊर्जा क्षेत्रमा निजी क्षेत्रको लगानी विस्तार हुने तथा पूँजी बजारमा नयाँ अवसर सिर्जना हुने अपेक्षा गरिएको छ।
शेयर गर्नुहोस
प्रतिक्रिया दिनुहोस्
सम्बन्धित समाचार
प्रतिक्रिया