प्रतिनिधिसभा निर्वाचनको सम्पूर्ण तयारी पूरा, आयोग मतदान शान्तिपूर्ण हुनेमा विश्वस्त

काठमाडौँ , फागुन १९ गते । निर्वाचन आयोग, नेपाल ले प्रतिनिधिसभा सदस्य निर्वाचनका लागि आवश्यक सम्पूर्ण तयारी पूरा भएको जनाएको छ । आयोगका प्रवक्ता नारायणप्रसाद भट्टराईका अनुसार केन्द्रीय तहमा गर्नुपर्ने सबै काम सम्पन्न भइसकेका छन् ।

आयोगको टोली माघ २ गतेदेखि नै सबै निर्वाचन क्षेत्रमा पुगेर मुख्य निर्वाचन अधिकृत र निर्वाचन अधिकृतको कार्यालय स्थापना गरिसकेको छ । पछिल्लो विवरणअनुसार आयोगका कर्मचारी तथा सुरक्षाकर्मी देशभरका २३ हजार ११२ वटै मतदान केन्द्रमा पुगिसकेका छन् । मतदान केन्द्रमा खटिएका मतदान अधिकृतहरूले सूचना टाँस गर्ने तथा आवश्यक प्रशासनिक काम गरिरहेका छन् ।

स्थानीय तहमा राजनीतिक दल र उम्मेदवारसँग सर्वदलीय बैठक गरी मतदानबारे साझा समझदारी बनाउने काम भइरहेको प्रवक्ता भट्टराईले जानकारी दिनुभयो । केन्द्रीय तयारी पूरा गरी आयोग अहिले सबै मतदान केन्द्रसम्म पुगेको र मतदान केन्द्रको प्रशासनिक तयारी अन्तिम चरणमा पुगेको उहाँले बताउनुभयो ।

भोलिसम्म मतदान केन्द्रको बुथ निर्माण सम्पन्न गरिसकेपछि पर्सि बिहान ७ बजेदेखि बेलुकी ५ बजेसम्म मतदान हुने आयोगले जनाएको छ । मतदानका क्रममा जिल्ला, निर्वाचन क्षेत्र वा मतदान केन्द्रमा आउन सक्ने समस्या तत्काल समाधान गर्न आयोगले समन्वय गरिरहेको छ । सम्पूर्ण जनशक्ति र सामग्री मतदान केन्द्रमा पुगिसकेकाले निर्वाचन शान्तिपूर्ण रूपमा सम्पन्न हुनेमा आयोग विश्वस्त रहेको छ ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन