नबिल इन्भेष्टमेन्ट र रोयल टुलिप काठमाडौँबीच ‘रोड टु आईपीओ’ सम्झौता

काठमाण्डौं । नबिल इन्भेष्टमेण्ट बैंकिंग लिमिटेड र द म्यासिफ होटल प्राइभेट लिमिटेड (रोयल टुलिप काठमाण्डौं) बीच संस्थागत परामर्श सेवा अन्तर्गत ‘रोड टु आईपीओ’ सम्बन्धी सम्झौता सम्पन्न भएको छ । उक्त सम्झौताअनुसार होटल कम्पनीलाई निजी कम्पनीबाट पब्लिक लिमिटेड कम्पनीमा रूपान्तरण गर्दै भविष्यमा सर्वसाधारणका लागि प्राथमिक शेयर निष्काशन (आईपीओ) जारी गर्ने तयारी अघि बढाइने भएको छ ।

सम्झौतापत्रमा द म्यासिफ होटल प्राइभेट लिमिटेडका अध्यक्ष राजेन्द्र शाक्य तथा नबिल इन्भेष्टमेन्टका प्रमुख कार्यकारी अधिकृत मनीष नारायण जोशीले हस्ताक्षर गरेका छन् ।

सम्झौताअनुसार नबिल इन्भेष्टमेन्टले कम्पनीलाई सूचीकृत कम्पनीका रूपमा विकास गर्न आवश्यक पूर्वतयारी, समन्वय तथा परामर्श सेवा उपलब्ध गराउने जनाएको छ । प्रारम्भिक तयारी पूरा भएपछि सम्बन्धित नियामक निकायसँग आईपीओ निष्काशनका लागि अनुमति मागिने कम्पनीले जनाएको छ ।

‘रोयल टुलिप काठमाडौँ’ नामबाट सञ्चालनमा रहेको द म्यासिफ होटल प्राइभेट लिमिटेड ललितपुरको ग्वार्कोमा अवस्थित पाँचतारे होटल हो । फ्रान्सेली अन्तर्राष्ट्रिय होटल चेन ब्रान्ड अन्तर्गत सञ्चालित उक्त होटलमा ३०८ वटा कोठा तथा सुइट रुम रहेका छन् । कम्पनीका अनुसार यो नेपालमा धेरै कोठा भएको होटलमध्ये एक हो ।

होटलमा साना तथा ठूला गरी १० वटा बैठक तथा कार्यक्रम हल रहेका छन् । आधुनिक वास्तुकला र सुविधा सम्पन्न संरचनासहित सञ्चालित होटलमा हेल्थ क्लब, स्पा, रेष्टुरेन्ट लगायतका सेवा उपलब्ध छन् । कम्पनीले ग्राहकलाई उच्चस्तरीय सेवा तथा आतिथ्य प्रदान गर्ने लक्ष्यका साथ सञ्चालन भइरहेको जनाएको छ ।

प्रतिक्रिया दिनुहोस्

सम्बन्धित समाचार

सेयर किन्नुअघि कसरी गर्ने रिसर्च ? यी हुन् महत्वपूर्ण ५ चरणहरु

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?