एनआईसी एसिया बैंकले लिलाम सम्पत्तिको विवरण अनलाइन पोर्टलमार्फत उपलब्ध गराउने

काठमाडौं । NIC Asia Bank Limited ले लिलाम बिक्रीमा रहेका बैंकिङ तथा गैरबैंकिङ सम्पत्तिसम्बन्धी जानकारी उपलब्ध गराउन अनलाइन पोर्टल सञ्चालनमा ल्याएको छ।

बैंकले आफ्नो नाममा रहेका सम्पत्ति तथा धितो सुरक्षणमा रहेका सम्पत्तिको विवरण डिजिटल माध्यमबाट सार्वजनिक गर्ने व्यवस्था सुरु गरेको जनाएको हो।

बैंकका अनुसार पोर्टलमार्फत लिलाम बिक्रीमा राखिएका सम्पत्तिको विस्तृत विवरण हेर्न सकिनेछ। प्रकाशित सूचनामा समावेश क्यूआर कोड स्क्यान गरी प्रयोगकर्ताले सम्बन्धित सम्पत्तिको कित्ता नम्बर, क्षेत्रफल, फोटो, नक्सा तथा स्थान पहिचानका लागि गुगल म्यापसमेतको जानकारी प्राप्त गर्न सक्ने व्यवस्था गरिएको छ।

त्यसैगरी, खरिदमा रुचि राख्ने व्यक्तिले सम्बन्धित सम्पत्तिबारे थप जानकारी आवश्यक परे पोर्टलमा उपलब्ध सन्देश प्रणालीमार्फत सम्पर्क गर्न सक्ने बैंकले जनाएको छ। त्यसका लागि नाम, इमेल, मोबाइल नम्बर र ठेगाना उल्लेख गरी सन्देश पठाउन सकिने सुविधा राखिएको छ।

बैंकले उक्त पोर्टलमा नियमित रूपमा बैंकिङ सम्पत्ति, गैरबैंकिङ सम्पत्ति तथा धितो सुरक्षणअन्तर्गत लिलाममा रहेका सम्पत्तिसम्बन्धी सूचना अद्यावधिक गर्ने जनाएको छ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?