मेदांता अस्पतालमा एनएमबि बैंकका कार्डवाहकलाई विशेष स्वास्थ्य सेवा छुट

BFIS News
2026 May 18 21:08

मेदांता अस्पतालमा एनएमबि बैंकका कार्डवाहकलाई विशेष स्वास्थ्य सेवा छुट

काठमाडौं । एनएमबी बैंकले आफ्ना भिसा डेबिट तथा क्रेडिट कार्डवाहक ग्राहकहरूका लागि भारतस्थित Medanta Hospital मा विशेष स्वास्थ्य सेवा छुटको व्यवस्था गरेको जनाएको छ ।

बैंकका अनुसार यस सहकार्यअन्तर्गत ग्राहकहरूले मेदांता अस्पतालमा विभिन्न स्वास्थ्य सेवामा आकर्षक छुट सुविधा प्राप्त गर्न सक्नेछन् । ओपिडी परामर्श, ल्याब तथा रेडियोलोजी सेवा र प्रिभेन्टिभ हेल्थ प्याकेजमा ग्राहकहरूले १५ प्रतिशतसम्म छुट पाउने व्यवस्था गरिएको छ ।

त्यसैगरी, आइपिडी सेवाअन्तर्गत रुम रेन्ट तथा विभिन्न जाँच सेवाहरूमा १० प्रतिशत छुट उपलब्ध हुने बैंकले जनाएको छ ।

ग्राहकहरूको स्वास्थ्य तथा सुविधालाई प्राथमिकतामा राख्दै बैंकिङ सेवाभन्दा बाहिर पनि थप सुविधा प्रदान गर्ने उद्देश्यले उक्त सहकार्य अघि बढाइएको एनएमबि बैंकले उल्लेख गरेको छ ।