रसुवाबाट ३६ लाखभन्दा बढी मूल्यका १ हजार २२५ भेप बरामद, ८ जना पक्राउ

काठमाडौँ । रसुवा प्रहरीले ठूलो परिमाणमा भेप (विद्युतीय चुरोट) बरामद गर्दै आठ जनालाई पक्राउ गरेको छ । प्रहरीले गोसाईंकुण्ड गाउँपालिका–२ स्थित दालफेदीबाट १ हजार २२५ थान भेप बरामद गरेको जनाएको छ ।

विशेष सूचनाका आधारमा इलाका प्रहरी कार्यालय टिमुरेबाट खटिएको टोलीले गएराति करिब १ः३० बजे मम्माया तामाङको घरमा छापा मारेको थियो । चेकजाँचका क्रममा घरभित्र लुकाइछिपाइ राखिएको अवस्थामा प्लास्टिकको बोराभित्र रहेका ६ वटा कार्टुनबाट भेप बरामद गरिएको प्रहरीले जनाएको छ ।

बरामद गरिएको भेपको अनुमानित मूल्य करिब ३६ लाख ७६ हजार रुपैयाँ रहेको छ ।

घटनामा संलग्न रहेको आरोपमा रसुवाका मम्माया तामाङ, राजकुमार तामाङ र छोमाया तामाङ पक्राउ परेका छन् । त्यसैगरी धादिङका केशबहादुर गुरुङ र सहिन गुरुङ, बाजुराका सागर खत्री, नुवाकोट तादीका सुवास तामाङ तथा खलढुंगा भदौरेका नेत्रबहादुर थापामगरलाई पनि प्रहरीले नियन्त्रणमा लिएको जनाएको छ ।

घटनाबारे थप अनुसन्धान भइरहेको प्रहरीले जनाएको छ ।

प्रतिक्रिया दिनुहोस्

सम्बन्धित समाचार

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

नेशनल लाइफको २० प्रतिशत लाभांश घोषणा

लेखापरीक्षण प्रतिवेदन नबुझाउने विभिन्न बीमा कम्पनीहरूलाई जरीवाना