हिमालयन बैंकले १० प्रतिशत संस्थापक शेयर सर्वसाधारणमा रूपान्तरण गर्ने

काठमाडौं । Himalayan Bank Limited ले संस्थापक समूहअन्तर्गत रहेको १० प्रतिशत शेयर सर्वसाधारण शेयरमा रूपान्तरण गर्ने प्रक्रिया अघि बढाएको छ । बैंकको चैत १५ गते बसेको सञ्चालक समिति बैठकले उक्त निर्णय गरेको हो ।

नेपाल राष्ट्र बैंकको एकीकृत निर्देशन २०८२ अनुसार बैंक तथा वित्तीय संस्थाले संस्थापक समूहको स्वामित्व कम्तीमा ५१ प्रतिशत कायम रहने गरी बाँकी संस्थापक शेयरमध्ये एक पटकमा अधिकतम १० प्रतिशतसम्म सर्वसाधारण शेयरमा रूपान्तरण गर्न सक्ने व्यवस्था छ । सोही व्यवस्थाअनुसार हिमालयन बैंकले संस्थापक शेयरलाई सर्वसाधारण समूहमा रूपान्तरण गर्न लागेको जनाएको छ ।

यसका लागि बैंकले इच्छुक संस्थापक शेयरधनीलाई आवेदन दिन आग्रह गरेको छ । आफ्नो स्वामित्वमा रहेको संस्थापक शेयर सर्वसाधारण शेयरमा परिवर्तन गर्न चाहने शेयरधनीले सूचना प्रकाशित भएको मितिले ३५ दिनभित्र आवेदन पेश गर्नुपर्ने बैंकले जनाएको छ ।

बैंकका अनुसार कम्पनीको तर्फबाट आवेदन दिने शेयरधनीले सञ्चालक समितिको निर्णयसहित निवेदन पेश गर्नुपर्नेछ ।

आवेदन बैंकको शेयर रजिष्ट्रार Himalayan Capital Limited मार्फत पेश गर्न सकिनेछ । आवेदन फारम हिमालयन बैंक तथा हिमालयन क्यापिटलको वेबसाइटबाट डाउनलोड गर्न सकिने व्यवस्था गरिएको बैंकले जनाएको छ ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?