एमालेले मीनबहादुर गुरुङको जग्गा फिर्ता गर्ने निर्णय, बल्खुमै नयाँ भवन बनाउने तयारी

काठमाडौं । Communist Party of Nepal (Unified Marxist–Leninist) ले व्यवसायी मीनबहादुर गुरुङले उपलब्ध गराएको जग्गा फिर्ता गर्ने निर्णय गरेको छ ।

पार्टीको सचिवालय बैठकमा अध्यक्ष केपी शर्मा ओलीले कलंकीस्थित १० रोपनी १४ आना जग्गा स्वीकार नगरी धन्यवादसहित फिर्ता गर्ने प्रस्ताव पेस गरेका थिए । सोही अनुसार जग्गा फिर्ता गर्ने निर्णय गरिएको हो ।

२०८१ असोजमा व्यवसायी गुरुङले एमालेका लागि उक्त जग्गा दान दिने र भवन निर्माण गरिदिने घोषणा गरेका थिए । तर उक्त विषयमा पार्टीभित्र विवाद उत्पन्न भएको थियो ।

विवादकै क्रममा निर्णयको विरोध गरेको भन्दै नेतृ डा. विन्दा पाण्डे र उषाकिरण तिम्सिनालाई ६ महिनाका लागि पार्टी सदस्यताबाट निलम्बन गरिएको थियो ।

हालको निर्णयसँगै एमालेले बल्खुस्थित आफ्नै जग्गामा पार्टी केन्द्रीय कार्यालय भवन निर्माण गर्ने तयारी गरेको छ । नयाँ भवन नबन्दासम्म अस्थायी रूपमा भाडाको भवन प्रयोग गर्ने प्रस्ताव पनि सचिवालय बैठकमा राखिएको छ ।

सर्वोच्च अदालतको फैसलापछि बल्खुमा कार्यालय भवन निर्माणमा कानुनी अवरोध नरहेको निष्कर्षसमेत पार्टीले निकालेको छ ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन