इसेवाबाट जीवन बीमा नवीकरण गर्दा उपहार योजना सार्वजनिक

काठमाडौं । डिजिटल भुक्तानी सेवा प्रदायक इसेवाले जीवन बीमा प्रिमियम भुक्तानी तथा पोलिसी नवीकरणलाई प्रोत्साहन गर्न उपहार योजना ल्याएको छ।

कम्पनीले जेठ १ गतेदेखि असार ३२ गते २०८३ सम्म सञ्चालन हुने अभियानअन्तर्गत अनलाइनमार्फत बीमा नवीकरण गर्ने ग्राहकलाई विभिन्न उपहार प्रदान गरिने जनाएको छ।

इसेवाका अनुसार मोबाइल एप वा वेबसाइटमार्फत कुनै पनि जीवन बीमा कम्पनीको प्रिमियम भुक्तानी अथवा पोलिसी नवीकरण गर्ने सेवाग्राही उक्त योजनामा सहभागी हुन सक्नेछन्।

योजनाअनुसार एक जना ग्राहकले ४३ इन्चको स्मार्ट टिभी प्राप्त गर्नेछन् भने तीन जनाले जनही २५ हजार रुपैयाँ नगद पुरस्कार पाउनेछन्। साथै अभियान अवधिभर प्रत्येक साता एक जना प्रयोगकर्तालाई २ हजार ५ सय रुपैयाँ नगद उपलब्ध गराइने कम्पनीले जनाएको छ।

कम्पनीका अनुसार विभिन्न जीवन बीमा कम्पनीहरूसँगको सहकार्यमा केही सेवामा क्यासब्याक सुविधा पनि प्रदान गरिनेछ।

इसेवाले अनलाइन माध्यमबाट बीमा नवीकरण गर्दा सेवाग्राहीले कार्यालय पुग्नुपर्ने आवश्यकता कम हुने तथा घरबाटै प्रिमियम भुक्तानी गर्न सकिने जनाएको छ। कम्पनीले यस अभियानबाट डिजिटल भुक्तानीको प्रयोग विस्तार हुनुका साथै जीवन बीमाप्रति जनचेतना बढ्ने अपेक्षा गरेको छ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन