राष्ट्र बैंकद्वारा कर्जाको ब्याजदरबारे ग्राहकलाई सचेत रहन आग्रह

काठमाडौं । नेपाल राष्ट्र बैंकले बैंक तथा वित्तीय संस्थाबाट लिइने कर्जाको ब्याजदरबारे ग्राहकलाई सचेत रहन आग्रह गरेको छ । राष्ट्र बैंकले कर्जाको ब्याजदर स्थिर (फिक्स्ड) वा परिवर्तनशील (फ्लोटिङ) दुवै प्रकारको हुन सक्ने जनाएको हो ।

राष्ट्र बैंकका अनुसार स्थिर ब्याजदर भएको कर्जामा तोकिएको अवधिसम्म ब्याजदर परिवर्तन हुँदैन । तर परिवर्तनशील ब्याजदरमा भने बैंकको आधार दर (बेस रेट) मा आएको परिवर्तनअनुसार ब्याजदर घटबढ हुन सक्छ ।

यस्तै, बैंक तथा वित्तीय संस्थाले परिवर्तनशील ब्याजदरमा कर्जा प्रवाह गर्दा आधार दरमा प्रिमियम थप गरी ब्याजदर निर्धारण गर्ने व्यवस्था रहेको छ । यस्तो प्रिमियम ग्राहकको जोखिम मूल्यांकनका आधारमा तय हुने राष्ट्र बैंकले जनाएको छ ।

राष्ट्र बैंकले एकपटक प्रिमियम दर निर्धारण गरी कर्जा स्वीकृत भएपछि पछि मनपरी रूपमा बढाउन वा छुट दिएर पुनः स्वतः वृद्धि हुने व्यवस्था लागू गर्न नपाइने स्पष्ट पारेको छ ।

परिवर्तनशील ब्याजदरमा कर्जा लिने ग्राहकले कर्जा प्रस्तावपत्र लिँदा आधार दर र प्रिमियम दरबारे स्पष्ट जानकारी लिनुपर्ने राष्ट्र बैंकको सुझाव छ । साथै, आधार दरमा आएको परिवर्तनका कारण ब्याजदरमा के–कति परिवर्तन भयो र त्यो कहिलेदेखि लागू भयो भन्ने जानकारी सम्बन्धित बैंक वा वित्तीय संस्थाबाट बुझ्नुपर्ने उल्लेख गरिएको छ ।

प्रतिक्रिया दिनुहोस्

सम्बन्धित समाचार

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

७० औं अन्तर्राष्ट्रिय भन्सार दिबसमा के एल दुगड समुहका श्याम सुन्दर कनोडिया सम्मानित

राजश्व राष्ट्रको रगत पसिना भएकोले बगेर गएको टुलुटुलु हेरेर बस्न सकिदैन : अर्थमन्त्री शर्मा