![$adHeader[0]['title']](https://www.bfisnews.com/images/bigyapan/1774272772_1769061114-ss-nimb.gif)
प्राइम कमर्सियल बैंकको नाफा २८.४९ प्रतिशतले बढ्यो, इपिएस १९ रुपैयाँ ६३ पैसा
- BFIS News
- 2026 Aug 14 14:01
काठमाडौं। प्राइम कमर्सियल बैंक लिमिटेडले गत आर्थिक वर्षको चौथो त्रैमाससम्मको अपरिष्कृत वित्तीय विवरण सार्वजनिक गरेको छ। विवरणअनुसार बैंकले समीक्षा अवधिमा खुद नाफा २८.४९ प्रतिशतले बढाउन सफल भएको छ।
गत आर्थिक वर्षको अन्त्यसम्ममा बैंकले ४ अर्ब ११ करोड २५ लाख रुपैयाँ खुद नाफा आर्जन गरेको छ। अघिल्लो आर्थिक वर्षको सोही अवधिमा बैंकको खुद नाफा ३ अर्ब २० करोड रुपैयाँ रहेको थियो। यस आधारमा बैंकको खुद नाफा एक वर्षमा ९१ करोड २५ लाख रुपैयाँले बढेको हो।
बैंकको खुद ब्याज आम्दानी तथा सञ्चालन मुनाफामा भएको वृद्धिसँगै नाफा बढेको देखिन्छ। समीक्षा अवधिमा बैंकको खुद ब्याज आम्दानी ३.३० प्रतिशतले बढेको छ भने खुद फि तथा कमिशन आम्दानी १५.०५ प्रतिशतले वृद्धि भएको छ।
त्यस्तै, बैंकको कुल सञ्चालन आम्दानी ५.८२ प्रतिशतले बढेको छ। सञ्चालन मुनाफा भने २६.९४ प्रतिशतले वृद्धि भएको छ। यस अवधिमा बैंकको इम्पेरमेन्ट चार्जसमेत घटेको छ। अघिल्लो आर्थिक वर्षमा २ अर्ब ७२ करोड रुपैयाँ रहेको इम्पेरमेन्ट चार्ज गत आर्थिक वर्षमा घटेर १ अर्ब ७३ करोड रुपैयाँमा सीमित भएको छ। इम्पेरमेन्ट चार्जमा आएको कमीले पनि बैंकको नाफा वृद्धिमा सहयोग पुगेको देखिन्छ।
नाफा बढेसँगै बैंकको प्रतिशेयर आम्दानी (ईपीएस) समेत सुधार भएको छ। समीक्षा अवधिमा बैंकको ईपीएस ३ रुपैयाँ १३ पैसाले बढेर १९ रुपैयाँ ६३ पैसा पुगेको छ। असार मसान्तसम्म बैंकको प्रतिशेयर नेटवर्थ १७५ रुपैयाँ ८० पैसा रहेको छ भने मूल्य आम्दानी अनुपात १२.२२ गुणा रहेको छ।
बैंकको वितरणयोग्य मुनाफा भने १ अर्ब ९० करोड रुपैयाँ रहेको छ। यसअनुसार वितरणयोग्य प्रतिशेयर आम्दानी ९ रुपैयाँ १० पैसा कायम भएको छ।
असार मसान्तसम्ममा बैंकको चुक्ता पूँजी २० अर्ब ९५ करोड ४७ लाख रुपैयाँ रहेको छ। गत आर्थिक वर्षमा बैंकको जगेडा कोष १८.७६ प्रतिशतले बढेको छ। सोही अवधिमा बैंकको निक्षेप ५.४६ प्रतिशतले बढेर वित्तीय स्रोत विस्तार भएको छ भने कर्जा तथा सापटी ८.२९ प्रतिशतले वृद्धि भएको छ।
समग्रमा, ब्याज तथा गैरब्याज आम्दानीमा भएको वृद्धि, सञ्चालन मुनाफाको सुधार र इम्पेरमेन्ट चार्जमा आएको कमीका कारण प्राइम कमर्सियल बैंकको गत आर्थिक वर्षको वित्तीय प्रदर्शन अघिल्लो वर्षको तुलनामा मजबुत देखिएको छ।
शेयर गर्नुहोस
प्रतिक्रिया दिनुहोस्
सम्बन्धित समाचार
प्रतिक्रिया