विपद् उद्धार कोषमा सेफ हेभन इन्भेस्टमेन्टको एक लाख एक हजार सहयोग

काठमाडौं । राष्ट्रिय विपद्को दुःखद् घडीमा सेफ हेभन इन्भेस्टमेन्ट कम्पनी प्रा.लि.ले प्रधानमन्त्री दैवी प्रकोप उद्धार कोषमा रु. १ लाख १ हजार १११ सहयोग गरेको छ।

कम्पनीले विपद् प्रभावितको राहत तथा उद्धारमा सहयोग पुर्‍याउने उद्देश्यले उक्त रकम कोषमा जम्मा गरेको हो। पछिल्लो समय प्राकृतिक विपद्का कारण विभिन्न क्षेत्रमा जनधनको क्षति भइरहेका बेला निजी क्षेत्र तथा विभिन्न संघसंस्थाबाट राहत तथा उद्धारका लागि सहयोग जुट्ने क्रम जारी छ।

कम्पनीका अध्यक्ष जय फूयाल (भुवन) ले विपद्को सामना गर्न सरकार, संघसंस्था तथा नागरिक सबै एकजुट हुनुपर्ने बताएका छन्। उनले आ–आफ्नो ठाउँबाट सक्दो सहयोग गर्न समेत आग्रह गरेका छन्।

विपद्को समयमा राहत, उद्धार र पुनःस्थापनाका लागि सरकारी कोषमा निजी क्षेत्र तथा सर्वसाधारणबाट प्राप्त हुने सहयोगले प्रभावित परिवारसम्म राहत पुर्‍याउन योगदान गर्ने अपेक्षा गरिएको छ। भोटेकोशीमा आएको भिषण बाढीका कारण पुर्याएको क्षतिका लागि राहत तथा सहयोग संकलन गर्ने काम भइरहेको छ। 

प्रतिक्रिया दिनुहोस्

सम्बन्धित समाचार

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

७० औं अन्तर्राष्ट्रिय भन्सार दिबसमा के एल दुगड समुहका श्याम सुन्दर कनोडिया सम्मानित

राजश्व राष्ट्रको रगत पसिना भएकोले बगेर गएको टुलुटुलु हेरेर बस्न सकिदैन : अर्थमन्त्री शर्मा