![$adHeader[0]['title']](https://www.bfisnews.com/images/bigyapan/1726536208_1712932632_Onlinearthik_1200x100.gif)
हिमालयन रिइन्स्योरेन्सका अध्यक्ष उदयकुमार निरौलाले दिए राजीनामा
- BFIS News
- 2026 Sep 03 11:18
 (3) (1).gif)
काठमाडौं, भदौ १७। हिमालयन रिइन्स्योरेन्स लिमिटेडका सञ्चालक समितिका अध्यक्ष उदयकुमार निरौलाले अध्यक्ष तथा सञ्चालक पदबाट राजीनामा दिएका छन्।
कम्पनीको भदौ १० गते सम्पन्न ८९औँ सञ्चालक समितिको बैठकले निरौलाले व्यक्तिगत कारण देखाउँदै अध्यक्ष तथा सञ्चालक पदबाट दिएको राजीनामा स्वीकृत गरेको हो।
कम्पनीका अनुसार निरौलाले २०८३ साउन २९ गते राजीनामा पेस गरेका थिए। उक्त राजीनामा २०८३ भदौ १० गतेदेखि लागू हुने गरी स्वीकृत गरिएको कम्पनी सचिव सन्तोष के.सी.ले जानकारी गराएका छन्।
यससँगै निरौलाको हिमालयन रिइन्स्योरेन्सको सञ्चालक समिति अध्यक्ष तथा सञ्चालकको जिम्मेवारी समाप्त भएको छ। कम्पनीले नियामक निकायलाई राजीनामा स्वीकृत भएको जानकारी गराएको हो।
शेयर गर्नुहोस
प्रतिक्रिया दिनुहोस्
सम्बन्धित समाचार
प्रतिक्रिया