भोटेकोशी बाढीपीडितका लागि सिबिफिन सचिव पौडेलद्वारा २५ लाख सहयोग

काठमाडौं । बैंक तथा वित्तीय संस्था परिसंघ नेपाल (सिबिफिन)का सचिव थानेश्वर पौडेलले भोटेकोशी बाढीबाट प्रभावित नागरिकको उद्धार, राहत तथा पुनःस्थापनाका लागि २५ लाख २५ हजार ५ सय २५ रुपैयाँ सहयोग गरेका छन् ।

शाइन रेसुङ्गा डेभलपमेन्ट बैंकका अध्यक्षसमेत रहेका पौडेलले प्रधानमन्त्री दैवी प्रकोप उद्धार कोषमा उक्त रकम जम्मा गरेका हुन् । उनले सहयोग रकमको चेक बिहीबार सिंहदरबारमा अर्थमन्त्री डा. स्वर्णिम वाग्लेलाई हस्तान्तरण गरेका हुन् ।

गत भदौ १० गते भोटेकोशी नदीमा आएको विनाशकारी बाढीबाट रसुवा, नुवाकोट र धादिङका विभिन्न क्षेत्र प्रभावित भएका थिए । बाढीबाट प्रभावितको उद्धार, राहत तथा पुनःस्थापनामा सरकारका प्रयासलाई सहयोग पुर्‍याउने उद्देश्यले व्यक्तिगत रूपमा उक्त रकम प्रदान गरेको पौडेलले बताए ।

पौडेलले प्राकृतिक विपद्बाट भएको क्षतिपछि प्रभावित क्षेत्रको पुनःस्थापना तथा पुनर्निर्माणका लागि सबै पक्षबाट सहयोग आवश्यक रहेको बताए । उनले स्वदेश तथा विदेशमा रहेका नेपालीसहित सम्बन्धित सबैलाई राहत तथा पुनःस्थापनाका लागि सहयोग गर्न आग्रह गरेका छन् ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?