![$adHeader[0]['title']](https://www.bfisnews.com/images/bigyapan/1726536208_1712932632_Onlinearthik_1200x100.gif)
जबराको नियन्त्रणबारे दाहालको टिप्पणी : ‘छोरी पिटेर बुहारी तर्साउन खोजे घातक हुन्छ’
 (3) (1).gif)
- BFIS News
- 2026 Sep 28 14:08
काठमाडौं । नेपाली कम्युनिष्ट पार्टी (नेकपा) का संयोजक पुष्पकमल दाहालले पूर्वप्रधानन्यायाधीश चोलेन्द्रशमशेर जबरालाई प्रहरीले नियन्त्रणमा लिएको घटनाप्रति आपत्ति जनाएका छन्।
उनले सुरक्षा चुनौती भए पक्राउ गर्नुको सट्टा सम्बन्धित व्यक्तिको निवासमै सुरक्षा व्यवस्था बढाउनुपर्ने बताएका छन्।
सोमबार सिंहदरबारस्थित संसद् भवन परिसरमा सञ्चारकर्मीसँग कुरा गर्दै दाहालले विशिष्ट व्यक्तिलाई बिना कारण पक्राउ गर्ने क्रम जारी रहे सरकारले ठूलो मूल्य चुकाउनुपर्ने बताएका हुन्।
जबरालाई नियन्त्रणमा लिएर न्यायालयलाई समेत प्रभावित पार्न खोजिएको हो कि भन्ने संकेत गर्दै दाहालले ‘छोरी पिटेर बुहारी तर्साउन खोजेको’ अवस्था भए त्यसको परिणाम घातक हुने टिप्पणी गरे। उनले आगामी दिनमा यस्ता घटना दोहोरिन नदिन सरकारको ध्यानाकर्षण गराए।
दाहालले जबराविरुद्ध देखाइएको सुरक्षा चुनौतीलाई लिएर पनि प्रश्न उठाए। उनका अनुसार कसैलाई सुरक्षा जोखिम रहेको भए पक्राउ गर्नुभन्दा घरमै सुरक्षाकर्मीको संख्या बढाएर सुरक्षा दिन सकिन्छ।
पूर्वप्रधानन्यायाधीश जबरालाई असोज ११ गते महाराजगञ्जस्थित निवासबाट उपत्यका अपराध अनुसन्धान कार्यालयको टोलीले नियन्त्रणमा लिएको थियो। उनलाई नियन्त्रणमा लिनुको कारणबारे तत्काल स्पष्ट विवरण सार्वजनिक गरिएको थिएन। पछि उनी टेकुस्थित कार्यालयबाट रिहा भएका थिए र प्रहरीले उनलाई पक्राउ नभई सुरक्षाका लागि कार्यालयमा ल्याइएको दाबी गरेको थियो।
दाहालले जबरालाई नियन्त्रणमा लिएर पछि छाडिएको घटनाको वास्तविक तथ्य क्रमशः बाहिर आउने बताएका छन्। उनले सरकारको पछिल्लो कार्यशैलीप्रति प्रश्न उठाउँदै यस्ता कदम दोहोरिन नहुने बताएका हुन्।
राष्ट्रसंघमा प्रधानमन्त्रीको सम्बोधन स्वाभाविक : दाहाल
दाहालले प्रधानमन्त्री बालेन्द्र शाहले संयुक्त राष्ट्रसंघको ८१औँ महासभामा गरेको सम्बोधनलाई मुलुकले भोगिरहेको परिस्थितिको सन्दर्भमा स्वाभाविक भएको बताएका छन्। प्रधानमन्त्री शाहले महासभामा नेपालमा आएको भोटेकोशी–त्रिशूली बाढी, जलवायु परिवर्तन तथा त्यसबाट सिर्जित मानवीय र विकाससम्बन्धी समस्याबारे अन्तर्राष्ट्रिय समुदायको ध्यानाकर्षण गराएका थिए।
दाहालले प्रधानमन्त्रीको सम्बोधनलाई लिएर अनावश्यक रूपमा विषयलाई बढाइचढाइ गर्न आवश्यक नरहेको बताएका छन्। उनले प्रधानमन्त्री शाहको स्थानमा अन्य व्यक्ति गएको भए पनि त्यही परिस्थितिमा समान विषय उठ्न सक्ने धारणा राखेका छन्।
शेयर गर्नुहोस
प्रतिक्रिया दिनुहोस्
सम्बन्धित समाचार
.jpg)
प्रतिक्रिया