एशियन लाइफका सीईओ दिनेशलाल श्रेष्ठले दिए राजीनामा, होमबहादुर श्रेष्ठलाई निमित्तको जिम्मेवारी

काठमाडौं । एशियन लाइफ इन्स्योरेन्स कम्पनी लिमिटेडका प्रमुख कार्यकारी अधिकृत (सीईओ) दिनेशलाल श्रेष्ठले राजीनामा दिएका छन्। कम्पनीको सञ्चालक समितिले उनको राजीनामा स्वीकृत गर्दै कार्तिक १० गतेदेखि लागू हुने गरी नायव प्रमुख कार्यकारी अधिकृत होमबहादुर श्रेष्ठलाई कायममुकायम प्रमुख कार्यकारी अधिकृतको जिम्मेवारी दिने निर्णय गरेको छ।

कम्पनीको सञ्चालक समितिको कात्तिक ८ गते बसेको २२३औँ बैठकले दिनेशलाल श्रेष्ठको राजीनामा स्वीकृत गर्ने निर्णय गरेको थियो। उक्त निर्णयअनुसार उनको राजीनामा कात्तिक १० गतेदेखि लागू हुनेछ।

त्यस्तै, अर्को व्यवस्था नभएसम्मका लागि नायव प्रमुख कार्यकारी अधिकृत होमबहादुर श्रेष्ठलाई कायममुकायम प्रमुख कार्यकारी अधिकृतको जिम्मेवारी प्रदान गरिएको कम्पनीले जनाएको छ। उनको जिम्मेवारी पनि कात्तिक १० गतेदेखि लागू हुनेछ।

दिनेशलाल श्रेष्ठ २०७७ माघदेखि एशियन लाइफ इन्स्योरेन्सको प्रमुख कार्यकारी अधिकृतका रूपमा कार्यरत थिए। उनको राजीनामासँगै कम्पनीको नेतृत्वमा परिवर्तन हुन लागेको हो।

प्रतिक्रिया दिनुहोस्

सम्बन्धित समाचार

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

नेशनल लाइफको २० प्रतिशत लाभांश घोषणा

लेखापरीक्षण प्रतिवेदन नबुझाउने विभिन्न बीमा कम्पनीहरूलाई जरीवाना