![$adHeader[0]['title']](https://www.bfisnews.com/images/bigyapan/1759825227_1100x100.gif)
मुक्तिनाथ कृषि कम्पनीको आइपिओ बाँडफाँड सम्पन्न, भाग्यमानी एक लाख १४ हजार ८०० ले पाए १० कित्ता
- BFIS News
- 2023 Dec 05 10:30
काठमाडौं । मुक्तिनाथ कृषि कम्पनीको आइपिओ बाँडफाँड सम्पन्न भएको छ । धितोपत निष्काशन तथा बिक्री प्रवन्धक एनआइबिएल एस क्यापिटलको कार्यालयमा भएको बाँडफाँडका क्रममा भाग्यमानी एक लाख १४ हजार ८ सय जनाले गोलाप्रथाबाट १०/१० कित्ता शेयर प्राप्त गरेका हुन् ।
कम्पनीले सर्वसाधारण समुह तर्फको १४ लाख कित्ता शेयर मध्ये १० प्रतिशत वैदेशिक रोजगारीमा गएका नेपालीका लागि बाँडफाँड गरिसकेको छ । त्यस्तै कर्मचारीका लागि सुरक्षित गरिएको ३ प्रतिशत र म्युचुअल फण्डलाई सुरक्षित गरिएको ५ प्रतिशत बाँडफाँड गरेर बाँकी ११ लाख ४८ हजार कित्ता सर्वसाधारणका लागि बाँडफाँड गरिएको हो ।
कुल १३ लाख ४० हजार १९९ आवेदन परेको बिक्री प्रबन्धकले जनाएको छ। बिक्री प्रबन्धकका अनुसार कुल आवेदनमध्ये १२ लाख ७४ हजार ५६७ आवेदन स्वीकृत भएका छन् भने बाँकी आवेदन रद्द भएका छन्। प्राथमिक शेयरको नतिजा मेरो शेयरको आइपिओ रिजल्ट हेर्ने साइट तथा बिक्री प्रवन्धकको वेवसाइटबाट हेर्न सकिन्छ ।
शेयर गर्नुहोस
प्रतिक्रिया दिनुहोस्
सम्बन्धित समाचार
.jpeg)
प्रतिक्रिया