क्रेस्ट माइक्रो लाइफले सुरु गर्यो लघु बीमा व्यवसाय

काठमाडौं । क्रेस्ट माइक्रो लाइफ इन्स्योरेन्स कम्पनीले आजदेखि लघु जीवन बीमा व्यवसायको शुभारम्भ गरेको छ । नेपाल बीमा प्राधिकरणका कार्यकारी निर्देशक राजुरमण पौडेलले आज सुर्खेतको बिरेन्द्रनगरमा एक समारोह विच औपचारिक कारोबारको उद्घाटन गरेका हुन् ।

व्यवसाय शुभारम्भको उद्घाटन गर्दै पौडेलले प्रचलित कानुनको परिधिपत्र रहेर व्यवसाय गर्न अनुरोध गरेका छन् । कार्यक्रममा कम्पनीका अध्यक्ष ऋषिराज मोर भौतिक रुपमा भने उपस्थित भएका थिएनन् । उनले भर्चुअल माध्यमबाटै कार्यक्रमलाई संबोधन गरेका थिए । उनले अन्य बीमा कम्पनीहरुले खासै ध्यान नदिएका वर्गलाई न्यून बीमा शुल्कमा स–सानो बीमांकको बमालेख जारी गरी उनीहरुको भौतिक जोखिम बहन गर्ने र आर्थिक सुरक्षा दिने लक्ष्य लिइएको बताएका छन् । कम्पनीले दुरदराजमा रहेका नेपालीहरुलाई बीमाको पहुँचमा ल्याउने जनाएको छ ।

कम्पनीका प्रमुख कार्यकारी अधिकृत प्रतापमान श्रेष्ठले स्वागत मन्तव्य प्रस्तुत गर्दै कम्पनीले विकास गरेको ग्राहकमैत्री प्रविधिमार्फत दूरदराजका गाउँको आवश्यकता अनुसारका बीमा योजना कम बीमा शुल्कमा सजिलै प्राप्त गर्न सकिने सुविधा रहेको जानकारी दिएका छन् ।

प्रतिक्रिया दिनुहोस्

सम्बन्धित समाचार

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

नेशनल लाइफको २० प्रतिशत लाभांश घोषणा

लेखापरीक्षण प्रतिवेदन नबुझाउने विभिन्न बीमा कम्पनीहरूलाई जरीवाना