पोष्टमार्टम रिपोर्ट भन्छ : १४ वर्षिया सालिनको मृत्यु झुण्डिएर भयो

चितवनको रत्ननगरस्थित छात्रावासमा मृत फेला परेकी १४ वर्षीया सालिन पोख्रेलको पोष्टमार्टम रिपोर्टले झुण्डिएर मृत्यु भएको देखाएको छ।

त्रिवि शिक्षण अस्पताल महाराजगञ्जमा गरिएको जाँचको प्रतिवेदनमा उनको झुण्डिएका कारण मृत्यु भएको उल्लेख गरिएको स्रोतले बताएको छ।

रत्ननगर नगरपालिका वडा नम्बर १० स्थित एकता शिशु निकेतन बोर्डिङ स्कुलको होस्टलमा १४ वर्षीया सालिन पोख्रेल गत फागुन १२ गते बिहान घाँटीमा पासो लगाएको अवस्थामा मृत भेटिएकी थिइन्।

मृतकका आफन्तले उनको हत्या र बलात्कार भएको भन्दै किटानी जाहेरी दिएका थिए। त्यसपछि प्रहरीले प्रधानाध्यापकसहित तीनजनालाई पक्राउ गरेर अनुसन्धान गरिरहेको छ।

प्रहरीले घटनास्थलबाट सुसाइड नोट पनि फेला पारेको जनाएको थियो। उक्त नोटमा आफूले बाँच्न नचाहेको भन्ने विवरण उल्लेख गरिएको थियो। उक्त नोट पनि उनले लेखेको हो वा होइन भन्ने कुरा परीक्षण भइरहेको प्रहरीले जनाएको छ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन