सर्वोत्तमको आइपिओ बाँडफाँट शुक्रबार, ९ लाख बढीको हात रित्तै हुने

काठमाडौं । सर्वोत्तम सिमेन्टको आइपिओ फागुन २५ गते शुक्रबार बाँडफाँट हुने भएको छ। कम्पनीको धितोपत्र निष्काशन तथा बिक्री प्रबन्धक ग्लोबल आइएमई क्यापिटलको कार्यालयमा बिहान १० बजे आइपिओ बाँडफाँट हुने भएको हो।

कम्पनीले गत फागुन १३ गतेदेखि १६ गतेसम्म प्रतिकित्ता ३६० रुपैयाँ ९० पैसामा कुल २७ लाख ७६ हजार ७६ कित्ता शेयर सर्वसाधारणका लागि निष्काशन गरेको थियो। सो शेयरमा कुल ९ लाख ६० हजार ३०१ जनाले ५ करोड ६ लाख १३ हजार ३६० कित्ता शेयरका लागि आवेदन परेको क्यापिटलले जानकारी दिएको छ।

५५ हजार ५२१ जना आवेदकले कम्पनीको शेयर प्राप्त गर्न सक्नेछन्।

नेपालमै पहिलो पटक बुक विल्डिङ विधिबाट आइपिओ निष्काशन गरेको सर्वोत्तम सिमेन्टको प्रिमियम मूल्य आह्वान गरिएको भन्दा धेरै कम कायम भए पछि सर्वसाधारणको आकर्षण देखिएको थियो।

कम्पनीले सर्वसाधारण लगानीकर्ताका लागि प्रतिकित्ता ३६०.९ रुपैयाँको दरले २७ लाख ७६ हजार ७६ कित्ता शेयर जारी गरेको थियो। सर्वोत्तम सिमेन्टको आइपिओमा न्युनतम ५० कित्ताको लागि आवेदन दिनु पर्ने थियो।

कम्पनीले दोस्रो बजारमा पहिलो कारोबारका लागि न्युनतम १८५.३६ रुपैयाँदेखि अधिकतम ५५६.०८ रुपैयाँको रेञ्ज प्राप्त गर्नेछ।

प्रतिक्रिया दिनुहोस्

सम्बन्धित समाचार

सेयर किन्नुअघि कसरी गर्ने रिसर्च ? यी हुन् महत्वपूर्ण ५ चरणहरु

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?