एलिना प्रकरणमा समीक्षाको प्रतिक्रियाः ‘गल्ती हजार हुन्छन्, यहाँ होस हराएको बेला’

काठमाडौं । यही फागुन २० गते पर्वतको कुश्मामा आयोजित महोत्सवमा सांगीतिक प्रस्तुतिका क्रममा गायिका एलिना चौहान र साउन्ड टेक्निसियनबीच भनाभन भएको विषयमा पक्ष विपक्षमा मत जाहेर गर्ने क्रम जारी छ। 

तर गायिका समीक्षा अधिकारीले मध्यस्थकर्ताका रूपमा प्रतिक्रिया दिएकी छन्। गायिका अधिकारीले प्राविधिक र कलाकार एकअर्काका परिपूरक भएको उल्लेख गर्दै दुवै पक्ष मिलेर अगाडि बढ्नुपर्ने सुझाव दिएकी छन्। 

‘प्राविधिक र कलाकार नङ र मासुजस्तै हौँ’, समीक्षाले सामाजिक सञ्जालमा लेखेकी छन्, ‘एउटालाई काटे अर्कोलाई दुख्छ, हामी सबै संगीतकर्ममा छौँ। दुवै पक्षले आत्मालोचना गरेर अघि बढ्नु नै महानता हो।’

उनले उक्त घटनालाई नारायण गोपालको स्वरमा रहेको गीत ‘गल्ती हजार हुन्छन्...’सँग तुलना गर्दै आफूलाई बलियो बनाउन गायिका एलिनालाई सुझाव पनि दिएकी छन्।  

‘गल्ती हजार हुन्छन्, यहाँ होस हराएको बेला। जस्तोसुकै परिस्थितिमा पनि होस नगुमाई हामी सबै अघि बढ्नु पर्दछ’, अधिकारीले लेखेकी छन्, ‘बि स्ट्रोङ एलिना चौहान दि।’

प्रतिक्रिया दिनुहोस्

सम्बन्धित समाचार

पशुपतिमा महाशिवरात्रिको तयारी : २० लाखले दर्शन गर्ने अनुमान, कसैलाई छैन विषेश पासको व्यवस्था

‘बजेट फ्रेन्डली’ हनिमुन

एयर कार्गोको शुल्क बढ्यो

इयूले लगाएको उडान प्रतिबन्ध हटाउँछौँ : पर्यटनमन्त्री तामाङ

काठमाडौँ म्युजिक फेस्टिभल २०२४ को आधिकारिक फूड पार्टनरमा फूडमान्डु

आज महाशिवरात्रि : देशभरका शिवालयमा बिहानैदेखि दर्शनार्थीको भीड