वीरगन्ज महानगरपालिकाको बजेट दुई अर्ब ८९ करोड

काठमाडौं । वीरगञ्ज महानगरपालिकाले अगामी आर्थिक वर्ष २०८१/०८२ का लागि दुई अर्ब ८९ करोड ४८ लाखको बजेट सार्वजनिक गरेको छ। चालु आर्थिक वर्ष २०८०/०८१ को तुलनामा अगामी आर्थिक वर्षको बजेट ६२ करोडले कम छ। 

वीरगन्ज महानगरपालिकाका उपप्रमुख ईम्तीयाज आलमले शनिबार १५ औँ नगर सभामार्फत २०८१/०८२ का लागि दुई अर्ब ८९ करोड ४८ लाखको बजेट सार्वजनिक गर्दै अघिल्लो आवको तुलनामा ६२ करोड कम रहेको बताए। 

उपनगर प्रमुख आलमले चालु आर्थिक वर्षमा समानीकरण अनुदान रकम अन्तिम त्रैमासिकको २५ प्रतिशत रोक्का भएको, सङ्घीय सरकारको राजस्व असुलीमा आएको सङ्कुचनको कारण राजस्व बाँडफाँड घट्न गएको र घर जग्गा कारोबारमा आएको मन्दीको कारणबाट घर जग्गा रजिष्टेशन आयस्रोत समेत घट्न जाँदा अगामी आर्थिक वर्षको आकार घटेको बताए। 

नगर प्रमुख राजेशमान सिंहले गत आवको तुलनामा अगामी आ.ब.का लागि आएको बजेट केही घटेर आए पनि विकास निर्माणको काममा खासै असर नपर्ने गरी काम गरिने बताए। 

उनले वीरगन्ज महानगरपालिकाको नीति वैभव वीरगन्जको परिकल्पना तथा धार्मिक स्थलको सौन्दर्यकरण आन्तरिक पर्यटन स्थलको पहिचान प्रवर्द्धन र विस्तार तथा हराभरा सफा सुघर वीरगन्जको अवधारणालाई मूर्तरूप दिनेमा महानगर पालिका अडिग रहेको बताए। 

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन