अरुण काबेली पावर लिमिटेडले हकप्रद शेयर निष्काशन गर्न साधारण सभा बोलायो, ५० प्रतिशत जारी गर्ने

काठमाडौँ, भदौ १२ – अरुण काबेली पावर लिमिटेडले हकप्रद शेयर निष्काशन गर्ने प्रस्ताव पारित गर्न १५ औँ वार्षिक साधारण सभा बोलाएको छ।

कम्पनीले आगामी असोज ३ गते, शुक्रबार, काठमाडौँको होटल कृष्टल पशुपती, पिङ्गलास्थान, गौशाला मा साधारण सभा आयोजना गर्न लागेको हो। सभा बिहान १ बजे सुरु हुनेछ।

सभामा कम्पनीले काबेली इनर्जी लिमिटेड को संस्थापक शेयरमा थप लगानी गर्ने तथा बैंकको दीर्घकालीन कर्जा आंशिक भुक्तानी गर्न हाल कायम चुक्ता पूँजीको ५० प्रतिशत हकप्रद शेयर निष्काशन गर्ने विशेष प्रस्ताव पेश गर्नेछ।

यसैगरी, सभाले विभिन्न कम्पनीहरूमा गरिएका संस्थापक शेयरको लगानी अनुमोदन गर्ने, नयाँ कम्पनीहरूमा लगानी गर्न स्वीकृति प्रदान गर्ने, तथा कम्पनीको प्रबन्धपत्र तथा नियमावली संशोधन गर्न सञ्चालक समितिलाई अख्तियारी दिने प्रस्तावहरू पनि पारित गर्नेछ।

साधारण सभा प्रयोजनार्थ कम्पनीले भदौ २५ गते, बुधबार एक दिनका लागि बुकक्लोज गर्ने जनाएको छ। यस अनुसार, भदौ २४ गतेसम्म नेप्सेमा कारोबार भई कायम रहेका शेयरधनीहरू साधारण सभामा सहभागी हुन सक्नेछन्।

प्रतिक्रिया दिनुहोस्

सम्बन्धित समाचार

सेयर किन्नुअघि कसरी गर्ने रिसर्च ? यी हुन् महत्वपूर्ण ५ चरणहरु

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?