फोनपेमा सिटीपे वॉलेट एकीकृत, डिजिटल भुक्तानी सञ्जाल अझ विस्तार

काठमाडौं । नेपालको अग्रणी भुक्तानी सेवा प्रदायक फोनपे ले सिटीपे वॉलेट लाई आफ्नो प्रणालीमा एकीकृत गरेको छ। यससँगै सिटीपे फोनपे इकोसिस्टममा समावेश भएको दशौँ डिजिटल वॉलेट बनेको छ।

यस एकीकरणपछि सिटीपे प्रयोगकर्ताले देशभरका १७ लाखभन्दा बढी व्यापारीमार्फत फोनपे इन्टरओपरेबल क्यूआर नेटवर्क प्रयोग गरी भुक्तानी गर्न सक्ने भएका छन्। यसले वित्तीय समावेशीकरणलाई थप सुदृढ गर्ने र नगदरहित कारोबारलाई प्रवर्द्धन गर्ने विश्वास व्यक्त गरिएको छ।

सम्झौतासम्बन्धी कार्यक्रममा दुवै कम्पनीका प्रमुख कार्यकारी अधिकृतले यस सहकार्यले व्यक्तिहरू र व्यवसायलाई सुरक्षित, छिटो र सहज डिजिटल भुक्तानीको सुविधा दिने बताए।

एकीकरणको खुशीमा सिटीपे ले भदौ १६ गतेदेखि कात्तिक १६ गते (सेप्टेम्बर २ देखि नोभेम्बर २, २०२५) सम्मको लागि उत्सवमूलक अभियान सुरु गरेको छ। अभियानअन्तर्गत ५०० रुपैयाँभन्दा माथिको कारोबार गर्ने ग्राहकलाई लक्की ड्रमार्फत सामसुङ टिभी जित्ने अवसरसहित अतिरिक्त रिवार्ड प्वाइन्ट प्राप्त गर्ने व्यवस्था गरिएको छ।

यो सहकार्यले नेपाललाई नगदरहित अर्थतन्त्रतर्फ अघि बढाउन डिजिटल भुक्तानी सञ्जाललाई मजबुत बनाउन साझेदारीको महत्व झल्काएको दुवै कम्पनीले बताएका छन्।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन