आरएसडिसी लघुवित्तले ८ प्रतिशत लाभांश वितरण गर्ने घोषणा

काठमाण्डौ, असोज ११ — आरएसडिसी लघुवित्त वित्तीय संस्था लिमिटेड (RSDC) ले आर्थिक वर्ष २०८१/८२ को मुनाफाबाट आफ्ना शेयरधनीहरूलाई वितरण गर्ने लाभांशको घोषणा गरेको छ।

संस्थाले हाल कायम चुक्ता पूँजीको ८ प्रतिशतका दरले नगद लाभांश वितरण गर्ने प्रस्ताव गरेको हो। लाभांश कर समेत गरी कुल रु. ८,२७,२५,१५३।३६ (अक्षरेपि आठ करोड सत्ताईस लाख पच्चिस हजार एक सय त्रिपन्न रुपैंया र पैसा छत्तीस मात्र) वितरण गरिनेछ।

उक्त प्रस्ताव असोज ११ गते शनिबार (२०७२ सेप्टेम्बर २७) बिहान ८ः३० बजे बसेको संस्थाको सञ्चालक समितिको १७६ औं बैठकमा निर्णय गरिएको हो।

लाभांश वितरणको प्रस्ताव नेपाल राष्ट्र बैंकमा स्वीकृतिका लागि पेश गरिनेछ। स्वीकृति प्राप्त भई संस्थाको बाह्रौं वार्षिक साधारण सभाबाट पारित भएपछि मात्र कानुनी प्रक्रिया पूरा गरी लाभांश वितरण गरिनेछ।

आरएसडिसी लघुवित्तले वित्तीय अनुशासन र पारदर्शिताको अभ्यासलाई निरन्तरता दिँदै शेयरधनीहरूलाई नियमित प्रतिफल दिने नीतिअनुसार यो निर्णय लिएको जनाएको छ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?