बीमा कम्पनीहरुले सीएसआर रकम पुनर्निर्माण कोषमा जम्मा गर्न सक्ने, कर छुटको सुविधा पाउने

काठमाडौं — बीमा कम्पनीहरुले संस्थागत सामाजिक उत्तरदायित्व (सीएसआर) अन्तर्गत खर्च गर्नुपर्ने रकम अब सरकारले स्थापना गरेको सार्वजनिक संरचना पुनर्निर्माण कोषमा जम्मा गर्न सक्ने भएका छन्। नेपाल बीमा प्राधिकरणले कम्पनीहरुलाई यसबारे निर्देशन दिएको हो।

बीमा कम्पनीहरुले आफ्नो नाफाको कम्तीमा एक प्रतिशत रकम सीएसआर अन्तर्गत खर्च गर्नुपर्ने कानुनी व्यवस्था छ। सोही रकम पुनर्निर्माण कोषमा जम्मा गर्न सकिने व्यवस्था गर्दै प्राधिकरणले यो कदम चालेको हो। यद्यपि, प्राधिकरणका अनुसार यो निर्देशन बाध्यकारी नभई स्वेच्छिक हुनेछ।

पुनर्निर्माण कोषमा रकम जम्मा गरेबापत बीमा कम्पनीहरुले कर छुट सुविधा पनि पाउनेछन्। गत भदौ २३ गतेको आन्दोलन र २४ गतेको प्रदर्शनमा भएको जनधनको ठूलो क्षतिको कारणले बीमा कम्पनीहरुमाथि दाबीको ठूलो दबाब परेको छ। यही कारणले गर्दा अहिलेका लागि यो निर्देशन स्वेच्छिक बनाइएको प्राधिकरणले जनाएको छ।

यस व्यवस्थाबाट बीमा कम्पनीहरुले सामाजिक उत्तरदायित्वमा योगदान पुर्‍याउनुका साथै कर छुटजस्ता सुविधासमेत लिन सक्नेछन।

प्रतिक्रिया दिनुहोस्

सम्बन्धित समाचार

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

नेशनल लाइफको २० प्रतिशत लाभांश घोषणा

लेखापरीक्षण प्रतिवेदन नबुझाउने विभिन्न बीमा कम्पनीहरूलाई जरीवाना