फाइनान्समा नाफा बुक गरेर हाइड्रोपावरमा फर्किए लगानीकर्ता, सूचक भन्दा लो क्यापका कम्पनीमा केन्द्रित

काठमाडौं । लगातार बढिरहेको फाइनान्सको शेयरमा नाफा बुक गरेर लगानीकर्ताहरु जलविद्युत कम्पनी र ट्रेडिङ समुहका कम्पनीको शेयरमा प्रवेश गरेका छन् । 

वित्तीय अवस्था खराव रहदा रहदै पनि 'लो क्याप'का कारण शेयर बजारका खेलाडीको रोजाइमा परेका फाइनान्सहरुको शेयर मूल्य नेप्से सूचक सर्वाधिक उचाइमा रहदाको समयको भन्दा पनि धेरै माथि पुग्न थालिसकेका छन् । धेरै ठुलो चुक्ता पूँजी भएका कम्पनीमा भन्दा पनि एकदमै कम चुक्ता पूँजी भएका कम्पनीबाटै कतिपय लगानीकर्ताले राम्रो पैसा कमाएका छन् । 

मंगलबार नेप्से सूचक ५.६० अंकले बढ्दा कारोबार रकम भने ४ अर्ब १८ करोड नाघेको छ । नेप्से सूचक २०७१.७७ अंकमा छ । आज १५१ वटा कम्पनीको शेयर मूल्यमा सुधार आउदा ८८ वटा कम्पनीको शेयर मूल्यमा सुधार देखिएको छ । बैंकिङ, निर्जीवन, व्यापार र फाइनान्सको सूचकमा गिरावट देखिदा सर्वाधिक धेरै हाइड्रोपावर र इन्भेष्टमेन्टको सूचकमा सुधार देखिएको छ ।

ग्लोबल आइएमई बैंकको ऋणपत्र र मकर जितुमाइ हाइड्रोपावरको शेयर मूल्यमा सर्किट लागेको छ । आरएसडिसी लघुवित्त र एनआरएन इन्फ्राष्ट्रक्चरको शेयर कारोबार सर्वाधिक धेरै भएको छ । बैंकिङ प्रणालीमा प्रयाप्त तरलता छ । नेपाल राष्ट्र बैंकले केहि खुकुलो मौद्रिक समिक्षा ल्याउने संकेत देखाइसकेको छ । यसले गर्दा शेयर बजारमा राम्रो सपोर्ट गर्दै आएको छ । 

प्रतिक्रिया दिनुहोस्

सम्बन्धित समाचार

सेयर किन्नुअघि कसरी गर्ने रिसर्च ? यी हुन् महत्वपूर्ण ५ चरणहरु

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?