वार्षिकोत्सवको अवसरमा माछापुच्छ्रे क्यापिटल तथा सेक्युरिटिजले दिए शेयर सम्बन्धी तालिम

काठमाडौं । माछापुच्छ्रे क्यापिटल र माछापुच्छ्रे सेक्युरिटिजले संयुक्त रुपमा मेची बहुमुखी क्याम्पसमा वित्तीय साक्षरता तथा सचेतना कार्यक्रम सम्पन्न गरेका छन् । 

माघ २७ गते, आइतबार, युवा विद्यार्थीहरुलाई शेयर बजारमा लगानी गर्ने निर्णय लिन सक्ने क्षमता तथा शेयर बजारमा लगानीका जोखिम साथै शेयर बजारको भित्री प्रविृत्ति तथा सम्भावित भावी जोखिमको मूल्याङ्कन ग्रहण सम्बन्धी सचेतना प्रदान गर्ने तथा लगानीको महत्व बुझाउने उद्देश्यले उक्त कार्यक्रम आयोजना गरिएकाे हाे । कम्पनीहरूले भद्रपुर, झापास्थित मेची बहुमुखी क्याम्पसमा स्नातक तहमा अध्यनरत विद्यार्थीहरुका साथै क्याम्पसका कर्मचारीहरु तथा शिक्षकलाई लगानी तथा वित्तीय जनचेतना सम्बन्धी प्रारम्भिक शिक्षा तथा सचेतना प्रदान गरेको हाे ।

माछापुच्छ्रे क्यापिटलका प्रमुख कार्यकारी अधिकृत उपेन्द्र मालाकार र माछापुच्छ्रे सेक्युरिटीज लिमिटेडका उप प्रमुख कार्यकारी अधिकृत जीवन कुमार उप्रेतीले उक्त सत्रमा बीबीए र कलेज व्यवस्थापनका विद्यार्थीहरूलाई आफ्नो विशेषज्ञता साझा गरेका हुन् ।

क्यापिटलले आफ्नो स्थापनाको ५ औं वर्षको वार्षिकोत्सवको उपलक्षमा माघ महिनाभरी रक्तदान, वित्तीय साक्षरता, सामाजिक उत्तरदायित्व अन्तर्गत विभिन्न सहयोग लगायतका विविध कार्यक्रमहरु आयोजना गरी भब्यताका साथ मनाइरहेको छ ।

माछापुच्छ्रे क्यापिटल लिमिटेड, माछापुच्छ्रे बैंक लिमिटेडको सहायक कम्पनी हो । पब्लीक लिमिटेड कम्पनीको रुपमा स्थापित धितोपत्र व्यवसायी (मर्चेन्ट बैंकर) कम्पनी, माछापुच्छ्रे क्यापिटल लिमिटेडले नेपाल धितोपत्र बोर्ड मार्फत धितोपत्र प्रत्याभूति, लगानी व्यवस्थापन, संस्थागत परामर्श सेवा, निक्षेप सदस्य, सामूहिक लगानी कोषको सेवा प्रदान गरिरहेको छ ।

प्रतिक्रिया दिनुहोस्

सम्बन्धित समाचार

सेयर किन्नुअघि कसरी गर्ने रिसर्च ? यी हुन् महत्वपूर्ण ५ चरणहरु

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?