नबिल एसएसइको फेलोशिपले रबिलाल पाण्डेको फेरिएको सोच, ’उद्यमशिलताबाटै उद्यमी बन्ने जोस’

काठमाडौं। खाना प्रति गहिरो चासो राख्ने ’हाडी बिष्ट्रो’का संस्थापक रबिलाल पाण्डे आफ्नो चेन रेष्टुरेन्टलाई अझै व्यवस्थित रुपमा विस्तार गर्न चाहन्थे। सामान्य रुपमा होटल व्यवसाय सञ्चालन गर्नु र त्यसलाई व्यवसायिक रुपमा विस्तार गर्नु फरक कुरा हो, त्यसैले उनि आफ्नो व्यवसायलाई व्यवस्थित रुपमा अगाडी सोचमा थिए।

उनि यो सोचलाई उद्यममा परिणत गर्न कुनै न कुनै उद्यमशिलताको तालिम दिने संस्था खोजिरहेका थिए। यसै क्रममा उनले अनलाइन मार्फत नबिल एसएसइको जानकारी पाए। जव उनले अनलाईबाट उद्यमशिलताको विषयमा थाहा पाए त्यस पछि त्यहाँ लेखिएका विवरणबाट उनि प्रभावित भए। उनि सम्झिन्छन् ’तालिममा सहभागी हुँदा व्यक्तिगत रुपमा भ्यालु एड गर्न सकिन्छ कि भन्ने लाग्यो।’

यस पछि फेसबुक पेज फलो गर्न थाले। उनले तेस्रो कोहर्टका लागि आवेदन दिए तर छनोट हुन सकेनन्। दोस्रो पटकको प्रयासमा उनि सफल भए। तालिममा रबिलाले वित्तीय र सञ्चालनसम्बन्धी ठूला चुनौतीहरू कसरी पार गर्नेदेखि लिएर नेतृत्व विकास र व्यवस्थापनका महत्वपूर्ण सीपहरू सिके। नेपालमा ‘हाडी बिस्ट्रो’लाई अग्रणी बिर्यानी ब्रान्ड बनाउने र अन्तर्राष्ट्रिय स्तरमा विस्तार गर्ने स्पष्ट दृष्टिकोणसहित, उनले ‘नबिल एसएसई फेलोशिप’ लाई आफ्नो व्यवसायलाई थप प्रणालीगत र दिगो रूपमा विस्तार गर्न सक्ने रणनीतिक अवसरको रूपमा हेर्छन् । उनि भन्छन् ’मैले आफ्नै तरिकाबाट उद्यमशिलता गर्दै आइरहेको थिए। जव कोहर्टमा सहभागि भएर तालिमहरु प्राप्त गरे त्यस पछि व्यवसायलाई सोच्ने तरिकामै परिवर्तन भयो।’

उनको यो व्यवसाय एउटा सानो आउटलेटबाट सुरुवात भएको थियो। अहिले यसलाई केन्द्रीय किचनसहितको धेरै वटा आउटलेटको व्यवसायमा विस्तार गरेका छन् । एकवर्ष खाडी मुलुकमा काम गरेर फर्किए पछि उनलाई नेपालमै केहि गर्नु पर्छ भन्ने लाग्यो। यस पछि उनले २०१८ देखि यो व्यवसायको सुरुवात गरेका थिए। तर उनको होटल व्यवसायसम्बन्धी कुनै अनुभव भने थिएन्। पाल्पा जिल्लाका रविलाल पाण्डेले सुरुमा एक्लैले व्यवसाय सुरुवात गरे। एक दुई वर्ष सञ्चालन पछि विचमा एक जना को–फाउण्डर भित्र्याए।

नबिल एसएसइमा जोडिनु भन्दा अगाडी उनि दैनिक कार्यसञ्चालनमा मात्रै केन्द्रित हुन्थे। सधै होटलमा मात्रै काम गरिरहन्थे। उनले भिजन बनाएर काम गर्न सकिरहेका थिएनन्। एक हिसावले नियमितबाट उनको भिजन निर्माणमा उल्झन आइरहेको थियो।

जव उनि नबिल एसएसइमा सहभागी भए त्यस पछि उनको व्यवसायलाई सोच्ने तरिकामै परिवर्तन भयो। यस पछि उनले आफ्नो सोचलाई मात्रै होइन तरिकालाई पनि परिवर्तन गर्नसकेका छन्। उनले भने ’आत्मनिर्भर बन्ने सोचबाट उद्यमी बन्ने सोचको विकास भएको छ।’ तालिमका दौरानमा हुने हरेक सेसनले उत्प्रेरित गरेको उनको अनुभव छ। वास्तविक रुपमा व्यवसायलाई कसरी अगाडी बढाउनु पर्ने रहेछ भन्ने कुरालाई राम्रो सँग सिक्ने मौका पाए। उनको पहिलाको भन्दा अहिले टिमलाई हेर्ने तरिका काम गर्ने शैलिमा आमुल परिवर्तन ल्याइदिएको छ। व्यवस्थापन गर्ने दृष्टिकोणमा पनि परिवर्तन आएको छ। यसरी एक हिसावले उनको सोचमै आमुल परिवर्तन ल्याइदिएको छ।

कोहर्ट पनि एक वर्षसम्मको मेन्टरसिपले उनलाई अझ धेरै सहजता ल्याइदिएको छ। यस क्रममा लामो समयदेखि समस्याको रुपमा झेल्दै आइरहेका कुराहरु उनले समाधान गर्ने मौका पाएका छन्। मेन्टरले समाधान मात्रै होइन नयाँ कुराहरु सिकाउने नयाँ विषयहरुमा प्रवेश गराउने नयाँ नयाँ तरिका अबलम्बन गराउन प्रेरित गर्ने, क्षमता अनुसार आफुलाई अगाडी बढाउन हौसला प्रदान गर्नेदेखि लिएर धेरै कुरामा सपोर्ट गर्नु भएको छ। उनि पनि मेन्टरका सुझावलाई कार्यान्वयन गर्ने प्रयास गरिरहेका हुन्छन्। जसले काम पनि गरिहरेको उनको अनुभव छ। उनको आफ्नो यो व्यवसायलाई नेपालका धेरै स्थानमा पुर्याउने भिजन छ। आफ्नो ब्राण्डलाई अझ स्थापित गराउने रोच छ।

अहिले उनको चारवटा आउटलेट छ। बौद्ध, राधेराधे, बसन्तपुर र गोङ्गबुमा छ। अहिले उनले ६० जना भन्दा धेरैलाई रोजगारी प्रदान गरिरहेका छन्। २८ वर्षका पाण्डेले छोटो समयमा हासिल गरेको यो उपलब्धीलाई दीर्घकालिन बनाउने रणनीति अनुरुप नै नबिल एसएसइ रोजेका हुन्।

जो नबिल एसएसइमा जोडिन चाहिहरेका छन् उनिहरुलाई उनि यस प्ल्याटफर्मको अधिकतम सदुपयोग गर्न सुझाव दिन्छन्। पाण्डेले भने ’जो व्यवसायिक पृष्ठभुमिका हुनुहुन्छ उहाँहरुलाई यसले अझै निखारता ल्याउन मद्दत गर्छ भने जो व्यवसाय गर्न खोजिरहनु भएको छ उहाँहरुले पनि राम्रो सिक्ने मौका पाउनु हुन्छ। आफुलाई निखारता ल्याउदै नयाँ कुराहरु सिक्न पाउनु हुन्छ। आफ्नै तरिकाबाट व्यवसाय गरिरहनु भएको छ। आफ्नै स्टार्टअप हो भने आफ्नो उत्पादन तथा सेवालाई अगाडी बढाउन मद्दत गर्छ।’

स्टार्टअपहरुमा आफ्नो उत्पादन र सेवा प्रति धेरै लगाव रहेको हुन्छ। आफ्नो लगावका अतिरिक्त त्यसलाई व्यवसायिक रुपमा कसरी हेर्ने भन्ने कुरा सिकिन्छ। व्यवसायमा के कस्ता जोखिम हुन्छन्, आम्दानीका स्रोत कसरी जुटाउन सकिन्छ, व्यवसायले कतिको सम्भावना बोकेको छ लगायतका थुप्रै कुरा सिक्न पाइन्छ। बैंकले सिएसआर अन्तर्गत निःशुल्क रुपमा राम्रो क्रेडिट कोर्ष सञ्चालन गरिरहेको उनि बताउछन्। जुन अन्य तालिम सेन्टर तथा इन्ष्टिच्युटको भन्दा राम्रो रहेको उनले बताए। यो तालिम एकदमै मूल्यवान पनि रहेको उनि बताउछन्। त्यहि अनुसार कोर्ष पनि डिजाइन गरिएको हुँदा यो एउटा राम्रो अवसर रहेको उनले बताए। पर्सनालिटी र व्यवसायमा पनि राम्रो सपोर्ट गरेको छ।

उनको सुरुवाति लगानी करिव ९/१० लाखबाट थियो। अहिले उनले त्यहि लगानीलाई बढाउदै, व्यवसायबाटै आएको आम्दानीलाई पनि थप्दै चार वटा आउटलेट खोल्न सफल भइसकेका छन्। यसबाट उनले राम्रो भ्यालु बनाइसकेका छन्। आजका दिनमा उनको करोडौको भ्यालु निर्माण भइसकेको छ। सेल्फ सस्टेन गर्दै उनले सकेसम्म बैंक वित्तीय संस्थाबाट कर्जा लिएर आफुलाई अगाडी बढाएका छैनन् यद्यपी अलि अलि साथ भने लिएका छन्।

नेपालमा उद्यमशिलताको चुनौती

चुनौती राम्रै छ। हरेक क्षेत्रमा चुनौती हुन्छ नै। उनको यस यात्रामा पनि धेरै चुनौतीहरु आए। काम सुरु गरेको केहि समयमै कोभिड १९ आयो। समय समयमा हुने आन्दोलन तथा बन्दका घटनाले पनि उनको व्यवसायमा असर पार्छ। कामका दौरानमा आउने विभिन्न समस्या छदैछ। उनको आजसम्मको यात्रामा धेरै ठुला असर परेको र रोकावट आएको त छैन तर ति चुनौतीलाई सामना गर्दै समस्याहरुलाई समाधान गर्दै अगाडी बढ्नु पर्ने उनि बताउछन्। तर उनको जुन हिसावले छिटो छिटो आफ्नो व्यवसाय बढाउने सोच थियो त्यसरी अगाडी भने बढेको छैन। 

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?