मुक्तिनाथ बैंकको सफलताको यात्रा, ग्रामीण उद्यमीलाई सशक्त बनाउँदै राष्ट्रिय अर्थतन्त्रमा योगदान

काठमाडौं। सर्वसाधारण नागरिकलाई आर्थिक रूपमा सशक्त बनाउँदै समग्र जन समुदायको समृद्धिमा टेवा पुर्‍याउने उद्देश्यका साथ २०६३ पौष १९ गते तीन वटा जील्लामा कार्यक्षेत्र बनाएर स्थापना भएको मुक्तिनाथ विकास बैंक राष्ट्रिय स्तरका बाणिज्य बैंकको स्तरमा पुग्न सफल भइसकेको छ।

चुक्ता पूँजी १३ करोड रुपैयाँका साथ तीन वटा जिल्लाहरु स्याङ्जा, कास्की र तनहुँमा केन्द्रविन्दु बनाए पनि संस्थापकहरुको सोच निकै ठुलो थियो। त्यहि दुरदृष्टी सोचले नै बैंक आज ८ अर्ब चुक्ता पूँजी भएको पहिलो विकास बैंक भएको छ त्यो पनि राष्ट्रिय स्तरका बाणिज्य बैंकको न्युनतम चूक्ता पूँजी सहित।

बैंकको आधार माइक्रोफाइनान्स कार्यक्रमबाट सुरु भएको हुँदा कृषि क्षेत्रमा बैंकले धेरै ठुलो योगदान पुर्याउन सफल भइसकेको छ। नेपालको भुगोल र समाजलाई नजिकबाट नियालिरहेको बैंकले २०६४ सालमा पहिलो पटक माइक्रोफाइनान्स कार्यक्रम सुरु ठुला ठुला व्यवसायीक घराना भन्दा निम्न आयवर्गका समुदायलाई भोलिको कृषि उद्यमी र व्यवसायी देखिरहेको थियो।

बैंकले स्याङ्जामा रहेको केन्द्रिय कार्यालयलाई २०६५ सालमा कास्कीको पोखरामा सार्यो। आज काठमाडौंको लाजिम्पाटमा भव्य भवन बनाएर कर्पोरेट कार्यालय सञ्चालन गर्दै गर्दा पनि पोखरालाई नै केन्द्रिय रजिष्ट्रार्ड कार्यालयको रुपमा कायम राखेको छ। जसले बैंकको विगतको संघर्षको कथालाई स्मरण गराइराख्छ। 

थोपा थोपा संकलन गरेर अगाडी बढेको मुक्तिनाथले २०६६ सालमा निक्षेप तथा कर्जा लगानीको पोर्टफेलियो एक अर्ब नघाउन सफल भयो। यहि सफलतामा अर्को एउटा इट्टा थपियो २०६७ सालमा सर्वसाधारण लगानीकर्तामा आइपिओ जारी गरेर।

व्यवसाय र पूँजी दुबैमा आक्रामक रुपमा सुधार गरिरहेको बैंकले २०६८ सालमा तीन जिल्लाबाट आफ्नो कार्यक्षेत्र १० जिल्लामा पुर्याएर स्तरोन्नती गर्न सफल भयो। यसरी क्षेत्रीय स्तरको बलियो बैंक बनिरहेको मुक्तिनाथले २०७१ सालमा साविक सिभिक डेभलपमेन्ट बैंकलाई प्राप्ती गरी राष्ट्रिय स्तरको विकास बैंकको रुपमा परिणत भयो। यो बैंकको अर्को ठुलो उपलब्धी थियो जहाँ तीन जिल्लाबाट सुरु भएको यात्रा पुरै नेपालभर बैंकिङ कारोबार गर्ने अवस्थामा पुग्यो।

कुशल नेतृत्व, दुरदृष्टी सञ्चालकको अथक मिहिनेत सँगै बैंकले २०७२ सालमा निक्षेप संकलन तथा कर्जा लगानीको पोर्टफेलियोलाई १० अर्ब रुपैयाँ नघाउन सफल भयो। सफलताको यात्रालाई बैंकले कहिल्यै पनि विश्राम लिन चाहेन। २०७४ सालमा शाखा सञ्जाल, पोर्टफोलियो, नाफा तथा मानव संसाधनका आधारमा देशकै सबैभन्दा ठूलो विकास बैंकको रूपमा उदायो। बैंकले सर्वसाधारणमा पुर्याएको बैंकिङ सुविधालाई उच्च मूल्याङ्कन स्वरुप विश्वकै प्रतिष्ठित अवार्ड ‘युरोपियन माइक्रोफाइनान्स अवार्ड २०२०’ प्राप्त गर्यो।

बैंकले आफ्नो सफलताका कोशेढुङ्गा तय गर्दै २०७६ सालमा विकास बैंकहरु मध्ये सर्वाधिक मुनाफा आर्जन गर्दै पहिलो एक अर्ब मुनाफा आर्जन गर्ने बैंक बन्यो। २०७७ सालमा बैंकले एक खर्ब माथिको निक्षेप संकलन गर्न सफल भयो।

नेपाल राष्ट्र बैंकले बाणिज्य बैंकहरुलाई मात्रै ऋणपत्र निष्काशन गर्नपाउने सुविधालाई परिमार्जन गर्दै विकास बैंकले पनि पाउने व्यवस्था गर्यो। यस सँगै बैंकले २०७८ सालमा पहिलो पटक एक अर्ब २५ करोड रुपैयाँको ऋणपत्र सफलता पुर्वक जारी गर्यो।

बैंकको सुरुवातीदिनदेखि नै आफ्नै भवनमा केन्द्रिय कार्यालय सञ्चालन गर्ने सपना थियो। यो सपना २०८१ मा लाजिम्पाटस्थित आफ्नै भवनमा सरे सँगै पुरा भयो।

बैंकले व्यक्तिहरुका लागि व्यक्तिहरुको आवश्यकता र लक्ष्यहरु पुरा गर्न समावेशी र उपयुक्त बैंकिङ सेवाहरु प्रदान गर्ने अभियान लिएको छ। यो अभियान संस्थाहरुका लागि लघु, साना तथा मझौला उद्यमहरु लक्षित उपयुक्त वित्तीय सेवाहरु प्रदान गरी उद्यम व्यवसायहरुको विकास र दिगोपना ल्याइ राष्ट्रको अर्थतन्त्रमा सकारात्म प्रभाव पारेको छ।

व्यक्ति तथा व्यवसायका सबै बैंकिङ आवश्यकताहरू पूरा गर्न सक्षम संस्थाको रूपमा स्थापित भएको मुक्तिनाथले संस्थागत ग्राहकका लागि प्रमुख रूपमा सु–साना तथा मध्यम उद्योग लक्षित गर्दै तिनको विकास, विस्तार र दीर्घस्थायित्वमा सहयोग पुर्‍याउने अनुकूल वित्तीय समाधान उपलब्ध गराउने अभियान नै अगाडी सारेको छ।

सूक्ष्म, साना तथा मध्यम उद्योगहरूलाई लक्षित उपयुक्त वित्तीय सेवामार्फत राष्ट्रिय अर्थतन्त्रमा सकारात्मक प्रभाव पार्दै व्यवसाय/उद्यमको दिगोपन र प्रगतिलाई प्रवर्द्धन गर्ने गरेको छ।

बैंकले आफ्ना सबै व्यवसायिक क्रियाकलाप उच्चतम व्यवसायिक मानकअनुसार सञ्चालन गर्न सबै व्यावसायिक गतिविधि इमानदारी, पारदर्शिता र नैतिकताका आधारमा सञ्चालन र व्यवस्थापन गर्दै आइरहेको छ। सबै पक्ष (Stakeholders) का हितप्रति सम्मानजनक रहि तिनका आवश्यकता तथा चासोप्रति संवेदनशील रहने गरेको छ।

मानिस र वातावरण दुवैका लागि सुरक्षित, दिगो र जिम्मेवार उत्पाद तथा सेवाहरू प्रदान गर्ने प्रण बोकेको छ। आफ्ना सबै ग्राहकलाई जिम्मेवार तरिकाले मूल्य प्रदान गर्ने गरेकै कारण ग्राहक सन्तुष्टीमा पनि अगाडी छ।

सबै कर्मचारी र सरोकारवालाको सम्मान तथा उनीहरूको समग्र हित र कल्याणलाई प्रवर्द्धन गर्दै आइरहेको छ। सरकार तथा सम्बन्धित नियामक निकायले जारी गरेका सबै कानुन, नियम, विनियमन तथा निर्देशनहरूको पूर्ण पालना तर्फ पनि बैंक सबैभन्दा अगाडी छ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?