नेपाली सेनाको वार्षिकोत्सवमा बर्दियामा बाल संरक्षण केन्द्रलाई सहयोग

गुलरिया (बर्दिया), फागुन ३ गते । नेपाली सेनाको २६३ औँ वार्षिकोत्सवको अवसरमा बर्दियाको मधुवन नगरपालिका–१ पत्थरबोझीस्थित बालबालिका संरक्षण केन्द्रलाई खाद्यान्न, खेलकुद तथा स्टेशनरी सामग्री सहयोग गरिएको छ ।

बर्दिया राष्ट्रिय निकुञ्जको सुरक्षामा तैनाथ जबरजंग गणले सरस्वती आधारभूत विद्यालयले अनाथ तथा असहाय बालबालिकाका लागि सञ्चालन गर्दै आएको संरक्षण केन्द्रलाई उक्त सहयोग उपलब्ध गराएको हो । संरक्षण केन्द्रमा हाल ३५ जना बालबालिका आश्रित छन् ।

गणपति दिपेन्द्र शाहीका अनुसार स्थापना दिवसको अवसर पारेर दैनिक भान्सामा प्रयोग हुने दाल, चामल, चिनी, मसला, तेल लगायतका खाद्यान्न सामग्री, खेलकुद सामग्री तथा स्टेशनरी सामग्री हस्तान्तरण गरिएको हो ।

निकुञ्जका संरक्षण अधिकृत एवं सूचना अधिकारी सरोजमणि पौडेलले नेपाली सेनाले अनाथ तथा असहाय बालबालिकाको आवश्यकतालाई पहिचान गरी सहयोग गर्नु सकारात्मक र प्रशंसनीय कार्य भएको बताउनुभयो ।

विद्यालयका शिक्षक ताराप्रसाद वलीले विभिन्न निकायबाट प्राप्त सहयोगका कारण संरक्षण केन्द्र सञ्चालनमा सहजता आएको उल्लेख गर्नुभयो । उहाँका अनुसार विद्यालयका बालबालिकालाई विभिन्न व्यक्ति, संघ–संस्था तथा सरकारी निकायबाट निरन्तर सहयोग प्राप्त हुँदै आएको छ ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन