पाँचथरका तीन मतदान केन्द्रको जिम्मेवारी महिलालाई

फिदिम (Phidim Municipality), फागुन २० गते । पाँचथरका तीन वटा मतदान केन्द्रमा निर्वाचन सम्पन्न गर्ने जिम्मेवारी महिलालाई दिइएको छ ।

आदर्श आधारभूत विद्यालय मतदान केन्द्र, फिदिम–२ मा मतदान अधिकृत, सहायक मतदान अधिकृत तथा मतदान कर्मचारी सबै महिला खटाइएको छ । उक्त मतदान केन्द्रमा २२ सय १९ जना मतदाता रहेका छन् । तीन वटा मतदान केन्द्र निर्धारण गरिएको मुख्य निर्वाचन अधिकृत कुमार मास्के ले जानकारी दिनुभयो ।

उहाँका अनुसार तीन वटा केन्द्रमा क्रमशः सरस्वती नेम्वाङ, ललिताकुमारी गुरुङ र सिता बराल लाई मतदान अधिकृतको जिम्मेवारी दिइएको छ ।

यसैगरी तीनवटै केन्द्रमा तीन जना सहायक मतदान अधिकृत र १८ जना मतदान कर्मचारी सबै महिला रहेका छन् । स्वयंसेवक कर्मचारी पनि महिला नै खटाइएको जनाइएको छ ।

जिल्लाभरका विभिन्न मतदान केन्द्रमा २० जना महिलाले मतदान अधिकृतको जिम्मेवारी पाएका छन् । शिक्षण पेशा तथा निजामती प्रशासनमा आवद्ध महिलासहित ३० भन्दा बढी सहायक मतदान अधिकृत र १ सयभन्दा बढी मतदान कर्मचारी महिला रहेको मुख्य निर्वाचन अधिकृतको कार्यालयले जनाएको छ ।

पाँचथरमा मतदान प्रयोजनका लागि १ हजार ८० कर्मचारी र ५४० स्वयंसेवकसहित करिब २ हजार ८ सयभन्दा बढी जनशक्ति परिचालन गरिएको तथ्याङ्क छ ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन