झापा–५ का विजेता बालेन्द्र शाहद्वारा १४ लाख १७ हजार निर्वाचन खर्च सार्वजनिक

दमक, फागुन २५ गते । प्रतिनिधिसभा सदस्य निर्वाचनमा झापा क्षेत्र नं. ५ का प्रतिनिधिसभा सदस्य तथा राष्ट्रिय स्वतन्त्र पार्टीका वरिष्ठ नेता बालेन्द्र शाह (बालेन)ले आफ्नो निर्वाचन खर्च विवरण सार्वजनिक गर्नुभएको छ ।

झापामा पाँच वटा निर्वाचन क्षेत्र रहेका छन् । यस क्षेत्रमा ९० जनाले उम्मेदवारी दिएका थिए । मतपरिणाम सार्वजनिक भएपछि नेता शाहले आफ्नो निर्वाचन खर्च सार्वजनिक गर्नुभएको हो ।

निर्वाचन प्रतिनिधिमार्फत जिल्ला निर्वाचन कार्यालय झापामा बुझाइएको विवरणअनुसार शाहले निर्वाचन अभियानका क्रममा कुल १४ लाख १७ हजार २२९ रुपैयाँ खर्च भएको उल्लेख गर्नुभएको छ ।

खर्च विवरणमा निर्वाचन प्रचारका क्रममा सवारीसाधनमा २ लाख ९३ हजार ८ सय रुपैयाँ, पाँच पटकको हवाई भाडामा ३५ हजार रुपैयाँ, मतदाता प्रशिक्षण कार्यक्रमको खाना खर्च शीर्षकमा २८ हजार ९७० रुपैयाँ तथा घरदैलो कार्यक्रममा ५ लाख ८० हजार रुपैयाँलगायतका खर्च समावेश गरिएको छ ।

खर्च विवरण शाहका प्रतिनिधि नवीन भण्डारीले जिल्ला निर्वाचन कार्यालय झापामा पेश गर्नुभएको हो । जिल्ला निर्वाचन कार्यालय झापाका प्रमुख तुलसीकुमार नेपालका अनुसार खर्च विवरण बुझाउने उम्मेदवारमध्ये शाह पहिलो हुनुहुन्छ ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन