![$adHeader[0]['title']](https://www.bfisnews.com/images/bigyapan/1776181672_1100 x100.gif)
चैत २०८२ का लागि वाणिज्य बैंकहरूको मुद्दती निक्षेप ब्याजदर सार्वजनिक, केही बैंकले घटाए दर
- BFIS News
- 2026 Mar 15 20:09
काठमाडौं । वाणिज्य बैंकहरूले चैत २०८२ को अन्तिम महिनाका लागि मुद्दती निक्षेप (फिक्स्ड डिपोजिट–FD) को ब्याजदर सार्वजनिक गरेका छन्। प्रकाशित दरअनुसार केही बैंकहरूले फागुन महिनाको तुलनामा व्यक्तिगत निक्षेपकर्ताका लागि ब्याजदर घटाएका छन् भने अधिकांश बैंकले दर यथावत् राखेका छन्।
२० वाणिज्य बैंकमध्ये नेपाल बैंक लिमिटेड ले व्यक्तिगत मुद्दती निक्षेपको ब्याजदर सबैभन्दा धेरै घटाएको छ। बैंकले फागुनमा रहेको ५.१ प्रतिशतबाट घटाएर चैतका लागि ४.५ प्रतिशत कायम गरेको छ।
त्यस्तै ग्लोबल आईएमई बैंक ले पनि व्यक्तिगत मुद्दती निक्षेपको ब्याजदर ४.७५ प्रतिशतबाट घटाएर ४.५० प्रतिशत बनाएको छ। संस्थागत निक्षेपतर्फ बैंकले ३.५ प्रतिशतबाट घटाएर ३.० प्रतिशत कायम गरेको छ।
यसैगरी कुमारी बैंक ले व्यक्तिगत निक्षेपको ब्याजदर ४.४३ प्रतिशतबाट घटाएर ४.१२ प्रतिशत बनाएको छ। कृषि विकास बैंक र प्राइम कमर्सियल बैंक ले पनि व्यक्तिगत मुद्दती निक्षेपको ब्याजदरमा ०.१ प्रतिशतले सामान्य कटौती गरेका छन्।
यता अधिकांश बैंकहरूले भने आफ्नो ब्याजदर यथावत् राखेका छन्। हिमालयन बैंक, एनआईसी एशिया बैंक, एनएमबी बैंक, राष्ट्रिय वाणिज्य बैंक, नबिल बैंक, एभरेष्ट बैंक, सिटिजन्स बैंक इन्टरनेसनल, प्रभु बैंक, नेपाल एसबीआई बैंक, सिद्धार्थ बैंक, माछापुच्छ्रे बैंक र सानिमा बैंक ले अघिल्लो महिनाकै दर कायम गरेका छन्।
चैत महिनाका लागि व्यक्तिगत मुद्दती निक्षेपमा सबैभन्दा उच्च ब्याजदर ५.१ प्रतिशत रहेको छ, जुन नेपाल बैंक लिमिटेड ले प्रस्ताव गरेको छ।
संस्थागत मुद्दती निक्षेपतर्फ भने हिमालयन बैंक, एनआईसी एशिया बैंक, एनएमबी बैंक र राष्ट्रिय वाणिज्य बैंक ले ४ प्रतिशतको उच्चतम ब्याजदर प्रस्ताव गरेका छन्।
बैंकहरूले पछिल्लो समय तरलता अवस्था, बजार ब्याजदरको प्रवृत्ति तथा निक्षेप–कर्जा सन्तुलनलाई ध्यानमा राख्दै मुद्दती निक्षेपको ब्याजदर समायोजन गरिरहेका छन्।
शेयर गर्नुहोस
प्रतिक्रिया दिनुहोस्
सम्बन्धित समाचार
.jpeg)
प्रतिक्रिया