शिखर इन्स्योरेन्स र हिसानले बागमती प्रदेशमा बीमा सम्बन्धी सचेतना कार्यक्रम सञ्चालन गर्ने

काठमाडौं। शिखर इन्स्योरेन्स कम्पनी र उच्च शिक्षालय तथा माध्यमिक विद्यालय संघ नेपाल (हिसान) विच बागमती प्रदेशका शैक्षिक संस्थाहरूमा बीमा सम्बन्धी सचेतनामुलक कार्यक्रम सञ्चालन गर्ने सहमति भएको छ। 

यस सहकार्यले शैक्षिक क्षेत्रभित्र बीमा सचेतना अभिवृद्धि गर्ने तथा संस्थागत वित्तीय सुरक्षा मजबुत बनाउने लक्ष्य राखिएको कम्पनीका नायब महाप्रवन्धक सुरज राजबहाकले जानकारी दिएका छन्। 

साझेदारी अन्तर्गत शैक्षिक संस्थाहरूमा बीमा साक्षरता बढाउने, जोखिम व्यवस्थापनबारे जानकारी प्रदान गर्ने तथा हिसानका सदस्य संस्थाहरूलाई सहज, पहुँचयोग्य र आवश्यकताअनुसार अनुकूलित बीमा सेवा उपलब्ध गराउने योजनाहरू अघि सारिएका छन्।

सम्बन्धित पक्षहरूले यस सहकार्यलाई शैक्षिक समुदायमा दीर्घकालीन वित्तीय स्थायित्व र सुरक्षाको आधार तयार गर्ने महत्वपूर्ण कदमका रूपमा लिएका छन्। उनीहरूका अनुसार, यस्तो पहलले विद्यार्थी, शिक्षक तथा संस्थाहरूलाई जोखिमप्रति सचेत बनाउँदै सुरक्षित र सूचित शैक्षिक वातावरण निर्माणमा योगदान पुर्‍याउनेछ।

यस सहकार्यमार्फत बागमती प्रदेशमा एक सुरक्षित, जिम्मेवार र वित्तीय रूपमा सुदृढ शैक्षिक समुदाय निर्माण गर्ने लक्ष्य राखिएको छ।

प्रतिक्रिया दिनुहोस्

सम्बन्धित समाचार

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

नेशनल लाइफको २० प्रतिशत लाभांश घोषणा

लेखापरीक्षण प्रतिवेदन नबुझाउने विभिन्न बीमा कम्पनीहरूलाई जरीवाना