कांग्रेस संसदीय दलको नेता चयन प्रक्रिया स्थगित, सहमतिको प्रयास जारी

काठमाडौँ, वैशाख ११ — नेपाली कांग्रेस संसदीय दलको नेता चयन प्रक्रिया हालका लागि स्थगित गरिएको छ।

पार्टीको केन्द्रीय कार्यसम्पादन समितिको बैठकले सर्वसम्मत रूपमा नेता चयन गर्न निर्देशन दिएपछि शुक्रबारका लागि तय गरिएको निर्वाचन प्रक्रिया रोकिएको हो।

निर्वाचन समितिका संयोजक प्रकाश रसायली ‘स्नेही’का अनुसार शनिबार साँझसम्म सहमतिको आधारमा उम्मेदवार टुंग्याउन उपसभापति विश्वप्रकाश शर्माको संयोजकत्वमा कार्यदल गठन गरिएको छ। कार्यदलमा उपसभापति पुष्पा भुसाल, महामन्त्रीद्वय प्रदीप पौडेल र गुरुराज घिमिरे तथा निर्वाचन समितिका प्रतिनिधि सहभागी छन्।

संयोजक रसायलीले पार्टीको बृहत्तर हित, लोकतन्त्र र संविधानमाथिका चुनौती सामना गर्न सर्वसम्मत नेतृत्व आवश्यक रहेको भन्दै सहमति प्रयास जारी रहने बताउनुभयो। उहाँका अनुसार सभापति गगनकुमार थापाले पनि नेताहरूसँग छलफल अघि बढाइरहनुभएको छ।

दलको नेताका लागि पार्टीभित्र विभिन्न नाम चर्चामा आएका छन्, जसले प्रक्रिया जटिल बनेको छ। सभापति थापाले सांसद मोहन आचार्य र उपसभापति शर्माले समानुपातिक सांसद भीष्मराज आङ्देम्बेलाई अघि सारिएको बुझिएको छ।

त्यसैगरी, सांसद अर्जुननरसिंह केसीले सहमति नभए उम्मेदवारी दिने अडान राख्नुभएको छ। सहमति नभए पुनः निर्वाचन तालिका तय गरिने कांग्रेसले जनाएको छ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन