धितोपत्र बोर्डको कामु अध्यक्षमा उत्तमकुमार खत्री नियुक्त
- BFIS News
- 2026 Apr 27 13:48
काठमाडौं। अर्थ मन्त्रालयले नेपाल धितोपत्र बोर्ड (सेबोन)को कामु अध्यक्षमा उत्तमकुमार खत्रीलाई नियुक्त गरेको छ। मन्त्रालयले औपचारिक निर्णय गर्दै खत्रीलाई देशको पूँजी बजार नियामक निकायको नेतृत्व जिम्मेवारी सुम्पिएको हो।
यस नियुक्तिसँगै खत्रीले आफ्नो कार्यकालभर सेयर बजार तथा वित्तीय धितोपत्र क्षेत्रको नियमन, अनुगमन र नीतिगत कार्यहरू सम्हाल्नेछन्। पूँजी बजारको स्थायित्व र पारदर्शिता कायम राख्ने जिम्मेवारी पनि उनको काँधमा रहनेछ।
खत्री यसअघि अर्थ मन्त्रालयमा राजस्व व्यवस्थापन महाशाखाका प्रमुखका रूपमा वरिष्ठ सहसचिव पदमा कार्यरत थिए। मन्त्रालयभित्रको प्रशासनिक पुनर्संरचनाअन्तर्गत उनलाई सेबोनको नेतृत्वमा पठाइएको बताइएको छ।
अर्थ मन्त्रालयले पूँजी बजारमा नियामक स्थिरता कायम राख्ने उद्देश्यसहित यस्तो निर्णय गरेको जनाएको छ।
![$adHeader[0]['title']](https://www.bfisnews.com/images/bigyapan/1776181672_1100 x100.gif)












.jpg)
-(1).jpeg)




प्रतिक्रिया