हावाहुरी पीडित मुसहर समुदायलाई लायन्स क्लबद्वारा राहत वितरण

लहान, वैशाख १६ गते। हावाहुरीबाट प्रभावित लहान नगरपालिका–२१ क्लाबञ्जरका मुसहर समुदायलाई लहानका विभिन्न लायन्स क्लबहरूले सामूहिक रूपमा राहत वितरण गरेका छन्।

लायन्स क्लब अफ फूलवारी, लायन्स क्लब अफ सिटी, लायन्स क्लब अफ सनसाइन र लायन्स क्लब अफ बुद्धले संयुक्त रूपमा २५ घरपरिवारलाई राहत उपलब्ध गराएका हुन्। प्रत्येक परिवारलाई ३० केजी चामल, ५ केजी आलु, २ केजी मटर, २ केजी नुन, १ लिटर खानेतेल, ओछ्याउने तथा बिछ्याउने तन्ना एक–एक थान र एक थान गुन्द्री वितरण गरिएको छ।

लायन्स इन्टरनेशनल डिस्ट्रिक्ट ३२५ अन्तर्गतका लहानका चारवटै क्लबले विपद्का बेला निरन्तर सहयोग गर्दै आएको लायन्स क्लब अफ फूलवारीका अध्यक्ष काशिन्द्र प्रसाद यादवले बताउनुभयो।

गत वैशाख ५ गते आएको हावाहुरीका कारण ४२ घरपरिवार रहेको उक्त मुसहर बस्तीमध्ये २५ घरमा क्षति पुगेको थियो। हावाहुरीले घरका जस्तापाता उडाउनुका साथै खाद्यान्नसमेत नष्ट गरेपछि समुदाय समस्यामा परेको थियो। घटनापछि लहान नगरपालिकाले पहिलो चरणमा खाद्यान्न राहत वितरण गरेको थियो।

बेघर भएका मुसहर समुदायका लागि घर निर्माणमा आर्थिक सहयोग गरिने प्रतिबद्धता लहान नगरपालिका प्रमुख महेश प्रसाद चौधरी र वडा नं. २१ का वडाध्यक्ष राजकुमार यादवले व्यक्त गरेका छन्। बस्तीका अधिकांश परिवार सुकुम्बासी भएकाले वर्षायाम नजिकिँदै गर्दा सुरक्षित आवासको आवश्यकता रहेको भन्दै पीडितहरूले स्थानीय सरकार तथा सरोकारवाला निकायसँग सहयोगको आग्रह गरेका छन्। 

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन