नर्भिक अस्पतालले बुक बिल्डिङ्गमार्फत आईपीओ प्रक्रिया अघि बढायो, संस्थागत लगानीकर्तासँग आशयपत्र आह्वान

काठमाडौं।  थापाथलीस्थित नर्भिक इन्टरनेशनल हस्पिटल एण्ड मेडिकल कलेज लिमिटेडले बुक बिल्डिङ्ग विधिबाट साधारण शेयर निष्काशन गर्ने तयारी सुरु गरेको छ।

यसका लागि कम्पनीले योग्य संस्थागत लगानीकर्तासँग आशयपत्र (EOI) माग गरेको छ।

कम्पनीले आफ्नो जारी पूँजीको २० प्रतिशत बराबर २० लाख ४१ हजार २०० कित्ता शेयर निष्काशन गर्ने योजना बनाएको छ। यसमध्ये ४० प्रतिशत अर्थात् ८ लाख १६ हजार ४८० कित्ता शेयर संस्थागत लगानीकर्ताहरूका लागि छुट्याइएको छ।

शेयर निष्काशन प्रक्रिया अघि बढाउने क्रममा कम्पनीले वैशाख ११ गते काठमाडौंस्थित म्यारियट होटलमा ‘रोड शो’ कार्यक्रम आयोजना गरेको थियो।

योग्य संस्थागत लगानीकर्ताहरूले बुक बिल्डिङ्ग निर्देशिकाअनुसार गोप्य शिलबन्दी आशयपत्र पेश गर्नुपर्नेछ। यस्तो आशयपत्र बुझाउने अन्तिम मिति वैशाख २१ गते साँझ ५ बजेसम्म तोकिएको छ, जसलाई नेपाल स्टक एक्सचेञ्ज (नेप्से), सिंहदरबार प्लाजा, काठमाडौंमा पेश गर्नुपर्नेछ। प्राप्त आशयपत्र वैशाख २२ गते साँझ ५ बजे नेप्से कार्यालयमै खोलिनेछ।

उक्त धितोपत्र निष्काशन तथा बिक्री प्रबन्धकको जिम्मेवारी लक्ष्मी सनराइज क्यापिटल लिमिटेडले सम्हालेको छ। संस्थागत लगानीकर्ताबाट प्राप्त प्रस्तावका आधारमा शेयरको ‘कट–अफ’ मूल्य निर्धारण गरिनेछ, जसपछि सर्वसाधारणका लागि आईपीओ निष्काशनको प्रक्रिया अघि बढ्नेछ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन