सेबोन अध्यक्ष सिफारिस समितिबाट गुणाकर भट्टको राजीनामा, दाईको आवेदनले पछाडी हटे

काठमाडौं । नेपाल धितोपत्र बोर्ड (सेबोन)को अध्यक्ष सिफारिसका लागि गठन गरिएको सिफारिस समितिका संयोजक गुणाकर भट्टले राजीनामा दिएका छन् ।

सरकारले राष्ट्रिय योजना आयोगका उपाध्यक्ष गुणाकर भट्टको नेतृत्वमा सेबोन अध्यक्ष नियुक्तिका लागि सिफारिस समिति गठन गरेको थियो । समितिमा अर्थसचिव घनश्याम उपाध्याय र विज्ञ सदस्यका रूपमा भुवनकुमार दाहाल रहेका थिए ।

तर, नेपाल राष्ट्र बैंकका पूर्व कार्यकारी निर्देशक गोपाल भट्टले पनि सेबोन अध्यक्ष पदका लागि आवेदन दिएपछि गुणाकर भट्टले समितिबाट अलग हुने निर्णय गरेका हुन् । गोपाल भट्ट नातामा गुणाकर भट्टका दाइ पर्छन् ।

धितोपत्र बोर्डको अध्यक्ष नियुक्ति प्रक्रियाअन्तर्गत सिफारिस समितिले प्राप्त आवेदनमध्येबाट तीन जनाको नाम सरकारसमक्ष सिफारिस गर्ने व्यवस्था छ । सरकारले सिफारिस भएका तीन जनामध्येबाट एक जनालाई अध्यक्षमा नियुक्त गर्ने प्रावधान रहेको छ ।

गुणाकर भट्टको राजीनामापछि अब सरकारले नयाँ संयोजक नियुक्त गरेपछि मात्रै अध्यक्ष नियुक्तिको प्रक्रिया अघि बढ्ने भएको छ । सेबोन अध्यक्ष पदका लागि कुल ४७ जनाले आवेदन दिएका छन् ।

प्रतिक्रिया दिनुहोस्

सम्बन्धित समाचार

सेयर किन्नुअघि कसरी गर्ने रिसर्च ? यी हुन् महत्वपूर्ण ५ चरणहरु

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?